Şəhid və qazi ailələri bütün tibbi xidmətlərdən pulsuz yararlana bilər? - AÇIQLAMA

İcbari tibbi sığorta əhalinin tibbi yardım almaq hüququnu təmin edən sistemdir. Aydındır ki, icbari tibbi sığorta vasitəsilə pulsuz əməliyyatlar və müalicələrdən yararlanmaq mümkündür. Bəs şəhid və qazi ailələri tibbi xidmətlərdən pulsuz yararlana bilər.

Mövzu ilə bağlı Milli Məclisin deputatı Müşfiq Cəfərov Sonxeber.az-a açıqlama verib. O, bildirib ki, lkədə uzun müddətdir icbari tibbi sığorta tətbiq olunur:

"Lakin vətəndaş qəbulu təcrübəmə əsasən deyə bilərəm ki, hələ bir neçə vacib tibb sahəsi sığorta sisteminə daxil edilməyib. Elə əməliyyat növləri var ki, vətəndaşa zəruridir. Lakin tibbi sığortadan faydalana bilmir. Doğrudur, bu gün tibb sahəsində sığorta tətbiqindən sonra vətəndaş narazılıqları azalıb. Mən düşünürəm ki, tibbi sığortanın əhatə sahəsinin genişləndirilməsi vacibdir. Xüsusilə, onkoloji xəstəliklərlə bağlı qeyd etmək istəyirəm ki, bu xəstəliyin müalicə və müayinəsi böyük məbləğlər tələb edir".

Deputatın sözlərinə görə onkoloji xəstələrin müalicəsinin dövlət tərəfindən tamamilə qarşılanması da real ola bilməz, bu sahədə dünya təcrübəsinə baxanda da tam şəkildə sığorta sistemiylə müalicə olunmasını təmin edən dövlətlər də azdır:

"Düşünürəm ki, bunun bir neçə yolu var, əgər sığorta tam müalicəni qarşılaya bilmirsə, vətəndaşın gəlirini nəzərə alaraq ya müəyyən qrup vətəndaşların müalicəsi sığortadan qarşılansın, ya da sığorta müalicə və əməliyyatın yarısını qarşılasın. Həmçinin, sığortayla müalicəsi mümkün olmayan xəstəliklərə daha vacib misal əməliyyat kimi zəruri xidmətin sığorta paketinə aid edilməsi mümkün ola bilər".

Sevda Səfərova

Telegramda izləyin