"Nəinki ASALA-nı, onlara zəhər verən digər ilanları da məhv edərik" - DEPUTAT

""ASALA" qatı erməni millətçi partiyası, "Daşnaksütunun" hərbiləşdirilmiş qanadıdı".

Bunu Sonxeber.az-a danışan deputat Nəsib Məhəməliyev bildirib.

Deputat qeyd edib ki, əsasən siyasi xarakterli insan qətlləri həyata keçirməkdə geniş təcrübəyə malik, müxtəlif kommunikasiya obyektlərini partlatmaqla məşhurlaşan, qəddar terrorçu təşkilatdır:

"Bu təşkilatın ideologiyasının kökündə türk düşmənçiliyi durur. Yarandığı gündən bəri 60-dan artıq türk diplomatlarını, ötən əsrin əvvəllərində AXC qurucularını xaincəsinə qətlə yetirmiş, Azərbaycanda və bir çox ölkələrdə sərnişin qatarlarını, avtobusları, hava limanlarını partlatmışdır. Birinci Qarabağ savaşı zamanı Xocalıda və başqa yaşayış məntəqələrində mülki insanlara qarşı törədilmiş qətliamlarda yaxından iştirak etmişdir. Yeri gəlmişkən, onların bir çoxu layiqli cəzalarını almışlar. Bu gün onlar yenidən baş qaldırmağa çalışır. Əgər onlar müharibə istəyirlərsə, buyursunlar. Azərbaycanın nə dövləti, nə ordusu, nə də xalqın motivasiyası 90-cı illərdəki kimi zəif deyil. Nəinki ASALA-nı, onlara zəhər verən digər ilanları da məhv edərik".

Qeyd edək ki, Ermənistanda "proksi qüvvələrin" – "ASALA" və digər terror təşkilatların Azərbaycana qarşı müharibəyə cəlb edilməsi təklifləri irəli sürülüb.

Telegramda izləyin