Sabiq rəis və işçilərinin məhkəməsi gərgin başladı - Məbləğ açıqlandı

Sabiq rəis və işçilərinin məhkəməsi gərgin başladı - Məbləğ açıqlandıAuditorlar Palatasının külli miqdarda mənimsəmədə ittiham olunan sabiq əməkdaşlarının məhkəməsi başlayıb.

"Qafqazinfo"nun məlumatına görə, Bakı Ağır Cinayətlər Məhkəməsində keçirilən iclasda ilkin dinləmələr keçirilib.

İş üzrə müttəhim kürsüsündə Maliyyə və texniki təminat idarəsinin sabiq rəisi, baş mühasib Vəli Rəhimov, Maliyyə təminatı və xarici əlaqələr idarəsinin maliyyəçi-mühasibi Gövhər Əhmədova və Palatanın digər mühasibi Fəridə Novruzova əyləşir.

Prosesin gedişində onlar tərəfindən mənimsənildiyi deyilən məbləğin miqdarı da açıqlanıb. Bu rəqəm 700 min manatdır.

İlk iclasdan məlum olub ki, təqsirləndirilən şəxslər cinayət işinin istintaqından narazı qalıblar.

V.Rəhimov və F.Novruzovanın vəkilləri digər müttəhim G.Əhmədovanı onların əleyhinə ifadə verməkdə ittiham edib, cinayət işinin ibtidai istintaqa qaytarılmasını istəyiblər: "Hesab edirik ki, bu iş üzrə ittiham bir nəfərin ifadəsi üzərində qurulub. Gövhər Əhmədovanın ifadəsi ilə həm Vəli Rəhimova, həm də Fəridə Novruzovaya əlbirlik ittihamı verilib. Əhmədova ifadəsində deyir ki, o, Vəli Rəhimovun tapşırıqlarını yerinə yetirib. Amma bunu təsdiq edən nə bir SMS, nə telefon zəngi, nə də şahid ifadəsi var. İstintaqda bank kartları ilə bağlı sorğular verilib, çıxarışlar alınıb. Müstəntiq ya o çıxarışlara baxmayıb, ya da baxmaq istəməyib. Orada Gövhər Əhmədovanın üç övladının bank kartlarından bəhs olunur. Birinci övladı deyir ki, mənim xəbərim olmayıb, kartlardan pulları anam çıxarıb. Amma çıxarışlardan görünür ki, həmin kartla Türkiyədən mallar alınıb, restoranlarda hesab verilib. İkinci övladı Kütləvi İnformasiya Vasitələrindən birində işləyir. O da deyib ki, xəbərim yoxdur, kartdan pulları anam çıxarıb. Amma çıxarışlardan görünür ki, işlədiyi yerin binasındakı bankomatdan pul çıxarılıb. Bundan başqa, üçüncü övladı da "xəbərim yoxdur" deyir. Amma özü banka gedib kartdan 18 min manat pul çıxarıb. Hər kəs öz əməlinə görə mühakimə olunmalıdır".

Müdafiə tərəfinin dediyinə görə, Palatada neqativ hallar daha çox pandemiya dövrü və Vətən müharibəsindən sonraya təsadüf edib. Vəkillərin arqumentinə əsasən, bu, ondan irəli gəlir ki, 2020-ci ildə Vəli Rəhimovun oğlu şəhid olub və özü təxminən bir il işlərindən uzaqlaşmaq məcburiyyətində qalıb. Baş verənlərə nəzarət edə bilməməsinin səbəbi də bu olub. Qayıdandan sonra neqativ halları aşkar edib, bu barədə rəhbərliyə məlumat verib. Bundan sonra komissiya təşkil edilib, lakin ekspertiza keçirilməyib, araşdırma çox primitiv aparılıb.

Təqsirləndirilən Novruzovanın vəkili də vəsatətin təmin olunmasını istəyib.

Vəkil deyib ki, G.Əhmədovanın övladları da bu işdə iştirakçı olublar. Müdafiəçi həmçinin ilkin istintaqda müvəkkilinin müdafiə hüquqlarının pozulduğunu bildirib: "Fəridə Novruzovanı aldadıb sənədlərə qol çəkdiriblər, yanında vəkil olmayıb. Ona görə də iş ibtidai istintaqa qaytarılmalı və cinayət işinə xitam verilməlidir".

Rəhimov və Novruzovanın ittiham etdiyi Gövhər Əhmədovanın vəkili isə cinayət işinin ibtidai istintaqa qaytarılmasına etiraz edib. Vəkil bildirib ki, müvəkkilinin uşaqlarının ünvanına səsləndirilən fikirlərin heç bir əsası yoxdur.

Məhkəmə tərəflərin fikrini öyrəndikdən sonra qərarı elan edib. Qərara əsasən, iş məhkəmə baxışına verilib.

Proses yanvarın 26-da davam edəcək.

Qeyd edək ki, təqsirləndirilən şəxslər Baş Prokuror yanında Korrupsiyaya qarşı Mübarizə Baş İdarəsi tərəfindən cinayət məsuliyyətinə cəlb ediliblər. Onlara qarşı Cinayət Məcəlləsinin 179.3.2-ci (mənimsəmə-külli miqdarda ziyan vurmaqla törədildikdə) maddəsi ilə ittiham irəli sürülüb. Hər biri barəsində istintaq dövrü müddəti üçün həbsə alternativ qətimkan tədbiri seçilib.

Məlumat üçün bildirək ki, Vəli Rəhimovun baş leytenant olan 1993-cü il təvəllüdlü oğlu Kamil Rəhimli 2020-ci il sentyabrın 27-də Vətən müharibəsi zamanı şəhid olub. Döyüşlərdə göstərdiyi qəhrəmanlığa görə "Füzulinin azad olunmasına görə", "İgidliyə görə" medalları və 3-cü dərəcəli "Vətənə xidmətə görə" ordeni ilə təltif edilib.


Sonxeber.az
Telegramda izləyin
Kriminal   Baxılıb: 1492   Tarix: 16 yanvar 2024  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Mehriban Rəhimliyə hökm oxundu

ABŞ-nin "German Marşal Fondu"nun Azərbaycan üzrə məsləhətçisi Mehriban Rəhimlinin cinayət işi üzrə məhkəmə baxışı keçirilib. -ın məlumatına görə, Bakı Ağır Cinayətlər Məhkəməsində hakim Namiq Kərimovun sədrliyi ilə keçirilən iclasda məhkəmə istintaqının yekunlaşdığı elan edilib. Daha sonr

7 oktyabr
.

Fatimənin bıçaqlanma anı - Əvvəldən təhdid mesajları yazıbmış-Yenilənib

Dünən saat 21 radələrində Xəzər rayonu Binə qəsəbəsində 24 yaşlı Fatimə Rəhmanzadənin küçədə qətlə yetirilməsinin görüntüləri yayılıb. "Qafqazinfo" xəbər verir ki, hadisə anını vətəndaşlardan biri avtobusun pəncərəsindən lentə alıb. Görüntülərdən məlum olur ki, Binənin Ə.İsazadə küçəsindək

7 oktyabr
.

Bakıda 24 yaşlı qadın öldürüldü - Əri saxlanıldı

Bakıda qətl törədilib. "Qafqazinfo" xəbər verir ki, Xəzər rayonu Binə qəsəbəsi Ə.İsazadə küçəsində yerləşən mənzildə 2002-ci il təvəllüdlü Fatimə Rəhmanzadəyə bıçaqla çoxsaylı xəsarətlər yetirilib. Ötən gecə xəstəxanaya çatdırılan qadının həyatını xilas etmək mümkün olmayıb. Hadisəni törətməkd

7 oktyabr
.

Öldürülən qazi Tovuzdakı anım mərasiminə gedibmiş...

Oktyabrın 25-də Tovuzda Vətən müharibəsi qazisi Nizami Qurbanovun qətlə yetirilməsi ilə nəticələnən hadisənin təfərrüatları məlum olub. "Qafqazinfo"nun əldə etdiyi məlumata görə, mərhum Neftçalanın Xol Qarabucaq kəndinin sakini olsa da, dövlət tərəfindən ona verilən Bakıdakı mənzildə yaşayırmış

27 oktyabr
.

Lerikdə qanunsuz qızıl axtaranlara qarşı əməliyyat - Ölən var

Oktyabrın 20-si gecə saatlarında Lerik rayonunun dağlıq ərazisində qanunsuz qazıntı işləri apararaq qızıl axtaran 3 nəfər polis tərəfindən müəyyən olunub. -a istinadən xəbər verir ki, həmin şəxslər saxlanılarkən müqavimət göstərərək qaçmağa cəhd ediblər. Bu zaman qaçan şəxslərdən R.Səfərov qayalıqda

21 oktyabr
.

Baş Prokurorluq və DİN kafedəki qətllə bağlı məlumat yaydı - 11 nəfər həbs edilib - Video

Baş Prokurorluq və Daxili İşlər Nazirliyinin istintaq qrupu tərəfindən keçirilən əməliyyat-axtarış tədbirləri nəticəsində Xətai rayonunda törədilmiş qətllə bağlı 11 nəfər həbs edilib. "Qafqazinfo" xəbər verir ki, bu barədə Baş Prokurorluq və DİN birgə məlumat yayıb. Açıqlamada deyilir:. "Oktyabrı

26 oktyabr
.

Amansızlıqla qətlə yetirilən Fatimənin - Fotosu

Xəbər verdiyimiz kimi, ötən gün Xəzər rayonu Binə qəsəbəsində 24 yaşlı Fatimə Rəhmanzadə qətlə yetirilib. "Qafqazinfo" xəbər verir ki, Fatiməni bıçaqlayaraq öldürməkdə şübhəli bilinən həyat yoldaşı 1986-cı il təvəllüdlü Müseyib Əhmədov polis əməkdaşları tərəfindən saxlanılıb. Amansızlıqla qətl

8 oktyabr
.

Azərbaycanda molla arvadını qətlə yetirdi: Amansızlıqla törədilən qətlin pərdəarxası

Qusar rayonunun Hil kəndində 32 yaşlı keçmiş həyat yoldaşı Diana Təyibovanı xüsusi amansızlıqla qətlə yetirən 1990-cı il təvəllüdlü Asif Təyibovun məhkəmə prosesi başa çatıb. -a istinadən xəbər verir ki, Sumqayıt Ağır Cinayətlər Məhkəməsində təqsirləndirilən şəxsə hökm oxunub. Cinayət Məcəlləsinin 120.2.

4 noyabr
.

Ramiz Mehdiyevin məhkəməsində şahidlər dindiriləcək - Tarix açıqlandı

Prezident Administrasiyasının sabiq rəhbəri Ramiz Mehdiyev və onun keçmiş köməkçisi Eldar Əmirovun cinayət işi üzrə növbəti məhkəmə iclasının vaxtı məlum olub. -ya istinadən xəbər verir ki, cinayət işi üzrə növbəti məhkəmə prosesi 16 oktyabr 2026-cı il tarixində Bakı Ağır Cinayətlər Məhkəməsində keçiriləcək

15 oktyabr