Ailə üzvlərindən zorakılıq gördüyünü iddia edən 14 yaşlı qızın valideynləri danışdılar - YENİLƏNİB + VİDEO

Bakıda ögey atası və xalasının əri tərəfindən zorakılığa məruz qaldığını iddia edən 14 yaşlı qızın valideynləri danışıblar.

"Xəzər" TV-də yayımlanan "Təsir Dairəsi" verilişində danışan ana bildirib ki, qızının dedikləri yalandır:

"Qızım mənə yalnız atasının ona qarşı etdikləri barədə məlumat verib. Mən ona inanmadım. Atası ona qarşı pis hərəkət etməyib. Bacımın yoldaşı barədə dedikləri də yalandır. O, elə adam deyil. Qızım onlara gedəndə bacım da həmişə evdə olur".

14 yaşlı qızın atası isə verilişin aparıcısı Lalə Azərtaşın ona ünvanladığı "xüsusilə də içki içdikdən sonra qızına qarşı etdiyin hərəkətlər onun xoşuna gəlmir, bunu niyə davam etdirmisən?" sualına "qızımın üzündən öpüb işə getmişəm, başqa heç nə olmayıb" deyə cavab verib.

Ətraflı süjetdə:

18:55

Bakıda qızın ögəy atası və xalasının əri tərəfindən zorakılığa məruz qalması ilə bağlı açıqlama verilib.

Daxili İşlər Nazirliyinin (DİN) Mətbuat Xidmətinin əməkdaşı Nurlan Əliyev Oxu.Az-a bildirib ki, 14 yaşlı qızın təhlükəsizliyi tam təmin olunub və müvafiq sığınacağa yerləşdirilib:

"Polis orqanında təhqiqat araşdırması aparılır. Tərəfimizdən zəruri tədbirlər görülür".

Könül Cəfərli

17:58

Bakıda qız xalasının əri və ögey atası tərəfindən zorakılığa məruz qalıb.

Oxu.Az xəbər verir ki, bu barədə "Xəzər" TV-də yayımlanan "Təsir Dairəsi" verilişə müraciət edən 14 yaşlı qız proqramın aparıcısı Lalə Azərtaşa danışıb.

Yeniyetmə ögey atası və xalasının ərinin ona qarşı uyğunsuz hərəkətlər etdiyini bildirib. Qız evdən qaçaraq verilişə gəlib.

Qızın anası isə efirə gələrək övladının yalan danışdığını, doğmalarının onu əzizləmək, oxşamaq niyyətində olduğunu bildirib.

Efirə gələn ögey ata da aparıcıya qızın yalan danışdığını söyləyib: "Mən onu qucaqlayıb saçını sığallamışam".

Ətraflı süjeti təqdim edirik:

Telegramda izləyin

instagramda izləyin