"Hərbi qulluqçuların statusu haqqında" qanun ilə bağlı hansı yeniliklər gözlənilir? - AÇIQLAMA

Xəbər verdiyimiz kimi, "Hərbi qulluqçuların statusu haqqında" qanun yenidən işlənilir. Bunu Milli Məclisin Müdafiə, təhlükəsizlik və korrupsiya ilə mübarizə komitəsinin sədri Ziyafət Əsgərov deyib. Qanunda əsasən hansı yeniliklər gözlənilir? Ediləcək əlavələrin təsiri necə olacaq?

Mövzu ilə bağlı hərbi ekspert Tərlan Eyvazov Sonxeber.az-a açıqlama verib.

O, bildirib ki, "Hərbi qulluqçuların statusu haqqında" qanun Azərbaycanda ilk sıralarda qəbul olunub:

" Qanun ilə tanış olan yüskək rütbəli zabitlərin və hərbi hüquqşünaslar tərəfindən yüksək qiymətləndirilir. Respublikamızın siyasi və sosial həyatında böyük dəyişikliklər olduğu üçün , Azərbaycan Ordu şanlı yol keçdiyinə görə yeni qanunvericilik bazasinın yaranmasına ehtiyac vardır. Hələ o zamanlar Xüsusi Təyinatlılarımız yox idi. Bu hardasa peşakar ordunun ilkin formasıdır. İndiki dövrdə Azərbaycan iqtisadiyyatına çox büdcə gəlir".

Ekspertin sözlərinə görə, hərbçilərin sosial şəraitinin yaxşılaşdırılması, o cümlədən bizim Avropaya inteqrasiyamız dövründə müəyyən qanunlar sovetdən kənar qəbul edildiyi üçün bir sıra məqamların dəyişdirilməsinə ehtiyac var:

"Əvvəlki dövrdə hərbçilərin, hərbi həqiqi xidmətə çağırılanların yaş həddi və xidmət dövrü fərqli idi. İndi isə başqadır. Bu dövrdən sonra Azərbaycanda qanunvericilikdə müəyyən dəyişikliklər olunub. Bu baxımdan sözügedən dəyişiklərin edilməsinə ehtiyac görülür. Bu proseslərdən sonra belə bir əlavələrin edilməsi qərara alınıb. Bu baxımdan yeni əlavələr müasir dövrün tələblərinə cavab verəcək. Qardaş Türkiyə ilə yaxından əməkdaşlıq edirik. Dünyanın bir çox ölkələri ilə hərbi sahədə əməkdaşlıq edir, silahların alışı və satışını həyata keçiririk. Düşünürəm ki, qanunda ediləcək yeniliklər bir çox mövzuda öz həllini tapacaq".

Sevda Səfərova

Telegramda izləyin