Vəfat edən şəxsin əşyalarını saxlamaq nə dərəcə DOĞRUDUR? - AÇIQLAMA

Qəfildən baş verən ölümləri bəzən anlaya bilmirik. Bu baxımdan psixoloji çətinlik çəkirik. Buna görə, ölən şəxsin əşyaları bəzən bizim üçün çox qiymətli ola bilir.Vəfat edən yaxınımızı xatırladan ən vacib əşyaları saxlamağımızın səbəbi bu əşyaların itirdiyimiz insanı xatırlatmasıdır. Bəs vəfat edən şəxslərin əşyalarını saxlamaq psixoloji cəhətdən nə dərəcə doğrudur?

Məsələ ilə bağlı psixoloq Gülər Məmmədova Sonxeber.az-a açıqlama verib:

"Ümumiyyətlə bir çox insanların, hər kəsin psixotipi, xarakteri var. Hər kəsdə bu fərdi inkişaf edir. Ekstremal vəziyyətdə öz doğmalarından kimisə itirən insanlar həmin şəxslərin insanlarını saxlayaraq, sanki onun qoxusunu hiss edir. Ona elə məna yükləyir ki, bu həmin insana mənsubdur deyə, bu əşyanı qorumalı və sadiq qalmalı olduğunu düşünür. Yaxud həmin əşya şəxsin üzərində olmalıdır. O əşyanı belə çox ülvi şəkildə qoruyaraq böyük bir məna yükləyirlər. Bu daha çox insanların emosiyaları ilə bağlı olur. Hər kəsin bir məntiqi təfəkkürü ona bu həyatda nəyəsə bağlı olmağı, nəyəsə aid olmağa səsləyir. Biz buna fərdi yanaşaq. Bu tip hallar aşırı dərəcə olarsa, buna etinadsız yanaşmaq olmaz. Çünki bəzi insanlar çox aşırıya qaçır və ülviləşdirir. Bir vaxta qədər emosiyalarına hakim kəsilməyərək, öz doğmalalrını itirdikləri üçün onu sanki yaşatmağa çalışırlar. Yanlarında hiss etmələri və bununla barışmaz olduqları üçün həmin əşyalara çox üstünlük verirlər. Həmin əşyalara, geyimlərə dəyər verərək onunla toxtaxlıq tapırlar. Yalnız bir müddətdən sonra, artıq o insanın yoxluğu həqiqətən öz möhrünü birmənalı vurduqdan sonra, şəxslər bu əşyaları kənarlaşdıraraq bir yerdə saxlamağı düşünürlər. Dünən buna daha çox emosional məna yükləyən insan, bu gün bu əşyanı özündən kənarlaşdırır. Çünki, zamanla insanların həyati-situasiyaları ilə başı çox qarışıq olur. Artıq dünyada yaşamayan insanı tez-tez, əvvəlki kimi xatırlaya bilmir. Ona görə insanların psixologiyasında bu narahatlıqlar həssaslığı ilə bağlıdır".

Sevda Səfərova

Telegramda izləyin