Azərbaycanın ən yaşlı seçiciləri! 101 yaşları var, səs verəcəklər - VİDEO

Azərbaycan seçicisi Prezident seçkilərində səsini istədiyi namizədə verəcək. O seçicilər arasında ölkənin ən yaşlı sakinləri də var. Onların 101 yaşları var. Fatma İsmayılova və Rəhilə Hacıyeva.

Sonxeber.az xəbər verir ki, bu maraqlı nənələr öz təəsüratlarını "İTV Xəbər Yekun" ilə bölüşüblər. Ağbirçək nənə Fatma İsmayıilova bildirib ki, onun sağlamlıq ilə bağlı heç bir problemi yoxdur. Hər dərdə çarə tapılar, bircə vətən həsrətindən başqa. Uzun illərdir Bakıda yaşayan nənə bir çox seçkilərdə iştirak edib. İndi də fevralın 7-dəv keçiriləcək prezident seçkilərində səsvermə hüququndan istifadə edəcək:

"Özüm gedirəm. Orada da kömək edirlər, göstərirlər. Başa salırlar məndə qol çəkirəmı. Mənim 100 yaşım var. Hamının da 100 yaşı olsun, səs versinlər.

Ölkəmizdə yaşı 100-dən çox olan seçicilərdən biri də Rəhilə Hacıyevadır. Hər bir kəlməsi hekayə olan Rəhilə nənə də qarşıdan gələn prezident seçkilərində səsverməyə hazır olduğunu deyir. Onun bir seçici kimi uzun illərə söykənən təcrübəsi var.

"İçərişəhərli olmuşuq. Bir müddət Naxçıvanda yaşamışıq və diş həkimi işləmişəm. Mən 30 il işləmişəm. Bir çox seçkilərdə iştirak etmişəm. 100 ilin ərzində nə qədər seçkilər oldu".

Telegramda izləyin