Xəbəri olmadan işçi kimi qeydiyyata alınıb, sosial yardımı kəsilib - ŞİKAYƏT+VİDEO

Hazırda heç bir halda əmək fəaliyyəti ilə məşğul olmadığı halda, özünün işçi kimi qeydiyyata alındığını iddia edir. Söhbət Şəmkir sakini Anar Kazımovdan gedir. O, Bakı DOST mərkəzindən aldığı məlumatdan sonra çaş-baş qalıb.

Sonxeber.az xəbər verir ki, məsələ ilə bağlı vətəndaş "Xəzər Xəbər"ə danışıb. Bildirib ki, məlumatı olmadan qeydiyyata alınıb:

"Tanımadığım bir şəxs mənim icazəm olmadan, şəxsiyyət vəsiqəmi təqdim etmədən məni öz üzrəinə işçi kimi qeydiyyata alıb. Heç bir yerdə müqavilə imzalamamışam. Məni işçi kimi qeydiyyata götürsünlər deyə razılıq verməmişəm. Tanımadığım şəxs – Həsənova Afət rəngsaz kimi öz üzərinə işçi kimi götürüb. Bu məlumat mənə verilən kimi, Bakıdakı DOST xidmətinə üz tutdum. Sistemdə görüldü ki, həqiqətən adıma iş müqaviləsi yaradılıb. Mənim xəbərim olmadan, guya aylıq 350 manat aylıq gəlir yazıb və özloəri üçün istifadə edirlər.

Anar Kazımov qeyd edib ki, işçi kimi qeydiyyata düşdüyü gündən ona ayrılan sosial yardım kəsilib.

Ətraflı "Xəzər Xəbər"in süjetində:

Telegramda izləyin