Azərbaycanda qəbul imtahanları ləğv edilə bilər? - AÇIQLAMA

Bu gün aktual olan mövuzlardan biri universitetlərə tələbə qəbulunun həyata keçirilməsini asanlaşdırmaqdır. Bu məsələ ölkəmizdə tez-tez gündəmə gələn mövzudur. Universitetə əlçatanlığını həyata keçirilməsi məqsədilə, Azərbaycanda qəbul imtahanlarını ləğv edib, məktəb göstəricilərinə əsasən tələbə qəbulu həyata keçirilə bilər?

Məsələ ilə bağlı təhsil məsələləri üzrə ekspert İlqar Orucov Sonxeber.az-a bildirib ki, qəbul imtahanlarının ləğv edilməsi və məktəb göstəricilərinə əsasən universitetlərə qəbulun həyata keçirilməsi təbii ki, bəzi ölkələrdə və təcrübələrdə yanaşmalar mövcuddur:

"Amma Azərbaycanda bütünlüklə universitetlərə tələbə qəbulu vahid sistem üzərindən həyata keçirilir. Bütövlükdə bu prosesi tənzimləyəcək normalar mövcuddur. Əlbəttə ki, bu normalarda dövlət tərəfindən tənzimlənir. Ona görə də, əgər bu ancaq istək olaraq qala bilər. Açığı mən belə bir normanın tərəfdarı deyiləm. Azərbaycanda tələbə qəbulunun həyata keçirilməsi istiqamətində hər hansı bir problem görmürəm. Hərçənd ki, mənim də bəzi təkliflərim var".

Ekspertin sözlərinə görə, bütövlükdə məktəb göstəricilərinə görə, tələbə qəbulunun həyata keçirilməsi nə vaxtsa mümkün olacaq:

"Bu günə olan mövcud reallıqlar, DİM-in üzərinə düşən vəzifələr hazırkı dövr üçün məqbuldur. İş prinsipi müəyyən normalar çərçivəsində tənzimlənir. Mən tələbələrin universitetə qəbulunu çətinləşləşdirmək tərəfdarı deyiləm. Bİz də universitetə qəbul nə asan nə də çətindir. Asan deyil ona görə ki, 1 tələbə 6-7 fəndən məcburdur ki, hazırlaşsın və imtahan versin. Ona görə asandır ki, biz o qəbul planında nəzərdə olan yerlərin tutulması üçün 200 balla qəbul keçiririk. Amma 700 ballıq şkala ilə 200 bal 2 deməkdir. Yəni bu baxımdan hesab edirəm ki, yanaşmalarda dəyişiklik olmalıdır. Bu gün üçün düşünmürəm ki, bu tətbiq olunacaq. Bu baxımdan elə bir təklifin reallaşacağını inanmıram".

Sevda Səfərova

Telegramda izləyin