Suda batan şəxs neçə müddətə suyun üzərinə çıxa bilir? - AÇIQLAMA

Bu gün ən çox verilən suallardan biri dənizdə batan şəxs necə tapılır yaxud meyiti neçə müddətə suyun üzərinə çıxır. İnsanların boyunu keçəcək dərinlikdə olan sularda batan şəxslər necə tapılır?

Məsələ ilə bağlı FHN Kiçikhəcmli Gəmilərə Nəzarət və Sularda Xilasetmə Dövlət Xidmətinin İctimaiyyətlə əlaqələr və təbliğat şöbəsinin rəisi daxili xidmət polkovnik-leytenantı Aqşın Əlili Sonxeber.az-a bildirib ki, suda batan şəxsin suda batması və suyun üzərinə çıxması bir neçə amillərdən asılıdır:

"İlk olaraq bu insan harada batıb. Dənizdə, axar çayda, göldə yoxsa su anbarında batıb. Bunların hər birində insanların tapılması və axtarışın aparılmasının öz xüsusiyyətləri var. Eyni zamanda bu ondan asılıdır ki, əgər hər hansı bir insan dənizdə batıbsa onun batdığı yeri dəqiqliklə göstərməkdən asılıdır. Bəzən olur ki, nəzarətsiz ərazidə çimərkən insan dənizdə boğulur. Nəzarət olunan çimərliklərdə biz həmişə varıq. Bizim xidmət apardığımız ərazilərdə ölümlə nəticələnən suda boğulma hadisəsi qeydə alınmayıb. Ancaq insan nəzarətsiz ərazidə boğulur və bizə məlumat gec daxil olur. Biz axtarış edən zaman vatdığı yeri dəqiq göstərilməməsi və eyni zamanda dənizdə su axınları səbəbindəndir. Su axınları nəticəsində belə bir fakt olub ki, Pirşağı qəsəbəsində suda boğulan şəxs su axınları nəticəsində suda batan şəxs Nardaran qəsəbəsindən çıxıb. Aydındır ki, təbii proses axtarışa mənfi təsir göstərir".

Aqşin Əlilinin deyib ki, çayda və suvarma kanalında axın sürəti olduqca çoxdur. Vətəndaş ya ehtiyatsızlıq səbəbindən, yaxud üzərkən çaya düşür. Təxminən 50 km sonra bir ərazidə aşkar olunur. Bəzi güllərin relyefi olduqca təhlükəlidir:

"Belə təhlükəlidir ki, gölün dibində müxtəlif ot bitkiləri, hətta bəzi göllərin dibində ağaclar var. Belə halda cəsəd gedir, ilişir və həmin hissələrdə qalır. Bu həm də dalğıc enişlərinə və ey zamanda insanın tapılmasına da, sözsüz ki mənfi təsir göstərir. Bundan başqa, insan suda boğulan zamanın hansı geyimdə olmasının da öz təsiri var. Sözsüz ki, çimərlik geyimində olması ilə insan daha tez tapılır, nəinki paltarlı olanda. Hətta deyərdim ki, burada insanın boğulana qədər qida qəbul etdiyindən belə çox şey asılır. Spirtli içki qəbul edib yaxud etməyib, hətta suda boğulana qədər onun hansı əhval-ruhiyyədə olması ilə birlikdə sadalananların insanların tapılmasında öz təsiri vardır".

Aqşin Əlilinin sözlərinə görə, suda batan şəxsin neçə gün müddətə suyun üzərinə çıxmasını bir rəqəmlə bunu demək olmur. Burada həm havanın, həm də suyun temperaturuna görə müxtəlif vaxtlarda ola bilir:

"Ona görə konkret heç nə demək olmaz. Ancaq təcrübə göstərir ki, yay aylarında batan şəxslərin suyun temperaturu nəticəsində suyun üzərinə çıxması daha tez baş verir. Eyni zamanda nisbətən kilolu şəxslər, bədən quruluşu ilə kök insanların suyun üzərinə çıxması yaxud körpə uşaqların tapılmasının fizioloji quruluşundan asılılıq vardır. Ona görə konkret olaraq bir rəqəm söyləmək doğru deyil. Ancaq beyin toxuması boğulma zamanı baş verən oksigen azlığına ən çox 4-5 dəqiqə dözə bilir. Biz 5 dəqiqə ərzində insanı xilas edə biliriksə onların 90 faiz həyatda qalması mümkündür. Artıq 6 dəqiqədən sonra insan su altından tapılarsa, boğulmuş şəxsə kömək etmək faizi 1-ə gəlib düşür. Ona görə də suda batan şəxsin, hətta onu kənardan görənlər belə vaxtında 112 çağrı mərkəzinə zəng vurması yaxud yerini dəqiq göstərməsi həmin insanın sudan xilas olunmasına yardımçı ola bilər".

Aqşin Əlili suda batan şəxslərin xilas edilməsi hallarına aydınlıq gətirib:

"Ümumiyyətlə suda batan insan hər şeydən tutmağa cəhd etdiyi üçün insanın özünü də suyun altına çəkə bilir. Buna görə də, mütləq batan şəxsə arxa hissəsindən yaxınlaşıb, onun saçından tutmaq, paltarı varsa paltarın arxa tərəfindən tutaraq arxaya doğru çəkmək olar. Yaxud qoltuqaltı nahiyədən keçib arxa tərəfdən sahilə doğru çəkməyə çalışmaq lazımdır".

Sevda Səfərova

Telegramda izləyin