Benzema Çempionlar Liqasından KƏNARDA QALDI

Kərim Benzema Asiya Çempionlar Liqasının ilk oyununda meydana çıxmayacaq.

Apasport.az xəbər verir ki, "Əl-İttihad"ın hücumçusu Özbəkistan "Navbahor"u ilə sabaha planlaşdırılan 1/8 final mərhələsinin oyununda iştirak etməyəcək.

36 yaşlı fransalı futbolçu qarşıdakı görüş üçün klubun heyətində yer alan 5 qeyri-asiyalı futbolçu arasında yer almayıb. Baş məşqçi Marselo Qallardo misirli müdafiəçi Əhməd Heqazi, yarımmüdafiəçilər Nqolo Kante (Fransa) və Fabinyo (Braziliya), həmçinin hücumçular Romarinyo da Silva (Braziliya) və Abderrazak Hamdallahın (Mərakeş) adını iştirak siyahısına salıb.

Qeyd olunur ki, Benzemanın seçilməmə səbəbi qış fasiləsində komanda ilə az məşq etməsi və lazımi formada olmamasıdır.

Telegramda izləyin