Pepe Çempionlar Liqasının tarixinə düşdü

Pepe Çempionlar Liqasının tarixinə düşüb.

BAKU.WS xarici mediaya istinadən xəbər verir ki, "Portu"da çıxış edən təcrübəli futbolçu bu uğura turnirin 1/8 finalında "Arsenal"la görüşdə imza atıb.

Pepe 40 yaş 360 günlüyündə qapıçılar istisna olmaqla Çempionlar Liqasında oynayan ən yaşlı oyunçu olub.

Bu rekord daha əvvəl 40 il 211 günlə milanlı Alessandro Kostakurtaya məxsus idi.

Xatırladaq ki, Pepe 10 illik "Real Madrid" karyerasından sonra 2017-2018 mövsümündə "Beşiktaş"a transfer olunub. İstanbul klubunun heyətində 52 matça çıxan portuqaliyalı müdafiəçi 7 qol vurub, 3 məhsuldar ötürmə edib.
Ulduz futbolçu "Beşiktaş"dan sonra ölkəsinin ən güclü komandalarından olan "Portu"ya yollanıb.

"Real Madrid"lə 3 dəfə Çempionlar Liqasının qalibi olan Pepenin karyerasında ümumilikdə 33 kubok var.

Telegramda izləyin

instagramda izləyin