"Ali təhsili olmayan şəxslər işə qəbul prosesini kimlərinsə vasitəsi ilə rahat keçə bilirlər" - Ekspert

Dövlət qurumlarında diplomsuz şəxslərin yüksək vəzifələr tutması ilə bağlı mətbuatda məlumatlar yayılır. Bəzi şəxslər isə ali təhsil olsa da, dövlət qurumlarında işləyə bilmədiklərini bildirilər. Diplomu olmayan şəxs dövlət qurumlarında hansı vəzifələri tuta bilər?

Məsələ ilə bağlı təhsil eksperti Kamran Əsadov Sonxeber.az-a açıqlama verib.

Ekspert bildirib ki, hər il ali təhsil müəssisələrindən 40 minə qədər tələbə məzun olur, onların sadəcə 42 faizi öz ixtisası üzrə işləyə bilir:

"Hazırda Azərbaycanın 51 ali təhsil müəssisəsində 187 min tələbə təhsil alır. Azərbaycanda hazırda əmək bazarına daxil olmağı gözləyən insanlar var. Hər il ali təhsil müəssisələrindən 40 minə qədər tələbə məzun olur. Onların sadəcə 42 faizi öz ixtisası üzrə işləyə bilir. Bu gün kifayət qədər gənc varki, diplomu var amma işsizdirlər.

Dövlət qurumlarında elə şəxslər var ki, onlar hansısa bir təhsilə sahib deyillər. Amma əmək fəaliyyəti ilə məşğuldurlar. Qeyd edim ki dövlət qurumlarında orta ixtisas təhsili şəxslərin çalışması üçün vakant yerlər var. Burada yardımcı işlər də var. Mövcud qaydalar da buna icazə verir".

K.Əsədov dövlət qurumlarına ali təhsil almış şəxslərin işə qəbulu birinci növbədə həyata keçirilməsini məqsədəuyğun hesab edir:

"Yaxşı olar ki, dövlət qurumlarına ali təhsil almış şəxslərin işə qəbulu birinci növbədə həyata keçirilsin. Çox təəssüf olsun ki, ali təhsili olmayan şəxslər işə qəbul prosesini kimlərinsə vasitəsi ilə rahat keçə bilirlər. Amma ali təhsil almış şəxslərin işə qəbul prosesində zaman-zaman problemlərə şahid ola bilirik. Son olaraq eyd edim ki, dövlət qurumlarında ele sahələr var ki, bunun üçün ali təhsil tələb olunmur".

Telegramda izləyin