Ermənistan tərəfindən saxlanılan Azərbaycan əsgəri erməni əsirlər ilə DƏYİŞDİRİLƏCƏK? - AÇIQLAMA

Xəbər verdiyimiz kimi, Ermənistan İstintaq Komitəsi fevralın 28-də səhər saatlarında Laçın rayonu ərazisində xidməti mövqelər arasında hərəkət edərkən əlverişsiz hava şəraitində itmiş Azərbaycan ordusunun əsgəri Ruslan Pənahov barəsində cinayət işi açıb. Bəs Ermənistan hərbçiləri tərəfindən saxlanılan Azərbayan əsgəri erməni əsirlər ilə dəyişdirilə bilər?

Mövzu ilə bağlı Sonxeber.az-a danışan hərbi ekspert İbrahim Rüstəmli deyib ki, Ermənistan tərəfindən saxlanılan əsgərimiz danışıqlar yolu ilə qaytarılacaq:

" Əsgərimizə qarşı irəli sürülən maddələrə baxdıqda onların nə qədər simasız və həyasız olduğu məlum olur. Ermənistan heç bir mövqeyi olmayan bir dövlətdir. Ermənistan qərb dövlətlərinin əlində oyuncağa çevrilmiş və onların tapşırığı ilə hərəkət edən ölkədir. Əsgərimiz əlverişsiz hava şəraitinə görə yolunu itirib. Ermənistan 30 ildir ki, özləri haqqında yalan məlumatlar uyduraraq dünyanı aldatmağa çalışır. Ermənistan dövlət deyil, qeyri-hökumət təşkilatıdır. Müstəqil dövlətin vahid doktrinası və siyasi xətti olur. Ermənistan iş mahnılarımızı, yeməklərimizi və torpaqlarımızı oğurlamağa çalışır. Belə başa düşürəm ki, bu gün erməni əsgərləri tərəfindən tutulan əsgərimiz və onun barəsində irəli sürülən maddələr ilə beynəlxalq aləmdə Azərbaycan haqqında mənfi rəy yaratmağa çalışırlar. Bu addım Azərbaycana qarşı növbəti erməni təxribatıdır. Əslində bu addım Cənubi Qafqazda vəziyyəti gərginləşdirmək üçün qərb dövlətlərini Ermənistana verdiyi tapşırıqdır. Ermənistan hər bir addımı ilə Azərbaycanın beynəlxalq aləmdə artan nüfuzuna xələl gətirməyə çalışır. Sarkisyan, Köçəryan və digər qatillər Azərbaycanın ədalət məhkəməsi qarşısında cavab verəcəklər. Əsas dərd isə Sarkisyan və Köçəryanın Azərbaycan vətəndaşı olmasıdır. Bu qatillər vətəndaşı olduğu ölkənin insanlarına qarşı qırğınlar törədiblər. Hazırda Ermənistan öz nifrətinin cəzasını çəkir".

Xatırladaq ki, daha əvvəl danışıqların nəticəsində humanizm prinsipləri rəhbər tutularaq və qarşılıqlı etimad tədbiri kimi Azərbaycan tərəfindən 32 erməni hərbçi, Ermənistan tərəfindən isə 2 azərbaycanlı hərbçinin azad edilib.

Sevda Səfərova

Telegramda izləyin