Kredit faizləri aşağı düşə BİLƏRMİ? - VİDEO

Azərbaycan banklarının kredit portfeli 20 faiz artıb. Problemli kreditləri isə 22 faiz azalıb. Bu barədə Mərkəzi Bankın hesabatında deyilir. Kredit üçün müvafiq banklara üz tutanların sayında 9 faiz artım qeydə alınıb. Bəs bu göstərdilər kredit faizlərinin aşağı düşməsinə səbəbi ola bilər?

Sonxeber.az xəbər verir ki, iqtisadçı ekspert Xalid Kərimli "Xəzər Xəbər"ə açıqlama verib. O deyib ki, bank kreditlərində artım həm istehlak, həm də biznes və ipoteka ilə verilən vəsaitlərdə qeydə alınıb. Bu da hazırda bank sektorunda maliyyə dayanıqlığının yaxşı olmasından xəbər verir. Ekspert hesab edir ki, kredit artımı faizləri aşağı düşməsinə təsir etməyəcək:

" Kredit faizlərinin aşağı düşməsi üçün təqdim edilən kreditlər üzrə tələbatın olmaması lazımdır. Yəni banklar bazarda satmaq istədikləri kreditləri təqdim etdiyi qiymətlərlə sata bilmədiyi halda kreditlərin faiz dərəcəsini aşağı sala bilərlər. Əgər kreditlər daha çox verilirsə və banklar mövcud kredit faizləri ilə nəzərdə tutduğu portreti artıra bilirlərsə, bu o deməkdir ki, kreditlərə bu faizlər ilə təlabat mövcuddur".

Xalid Kərimlinin fikrincə indiki kreditlər faizləri ədalətli hesab oluna bilər. İqtisadçı faizlərin hansı şərtlər daxilində azala biləcəyinə aydınlıq gətirib.

Ətraflı "Xəzər Xəbər"in süjetində:

Telegramda izləyin