"Əxlaq polisi olan ölkələrdə əxlaqsızlıq daha çoxdur" - VİDEO

Məlum olduğu kimi ölkə gündəmini erkən nikah hallarının artması, insanların sosial şəbəkələrdə qeyri-etik davranışları və məktəblilər arasında baş verən xoşagəlməz hallar formalaşdırır. Problemin həlli yolunu axtaranlar isə sosial şəbəkələrdə əxlaq polisinin yaradılması ilə bağlı çağırışlar edirlər. Azərbaycanda isə əxlaq polisinin yaradılmasını istəyənlərdə var, istəməyənlər də.

Sonxeber.az xəbər verir ki, sosioloq Üzeyir Şəfiyev "Apa TV"yə açıqlama verib. Onun sözlərinə əxlaqa zidd davranışlar Azərbaycanda əxlaq polisinin yaradılmasına əsas vermir:

"Bizim cəmiyyət sosial xarakter etibarilə sağlamdır. Davranışlar üzərində ictimai nəzarət var. Hansısa bir hüquqa və əxlaqa zidd davranış institusional islahatların keçirilməsinə əsas vermir. Bəzi ölkələrdə əxlaq polisi deyilən bölmə fəaliyyət göstərir. Əxlaq polisi hər bir fərdin daxilində olmalıdır".

Hüquqşünas Şamil Paşayev deyir ki, əxlaq hər hansısa hüquq-mühafizə orqanları tərəfindən qorunan biləcək bir anlayış deyil:

" Azərbaycan əxlaq polisi yaradılacaq bir ölkə deyil. Biz roman-german hüquq sisteminə malik ölkəyik. Biz qanunvericiliyimizi dünya standartlarına uyğunlaşdıran ölkəyik. Əxlaq polisi olan ölkələrdə əxlaqsızlıq daha çoxdur".

Ətraflı "Apa TV"nin süjetində:

Telegramda izləyin