Dünyada daha bir epidemiya gözlənilir: Gözlərinizi qoruyun!

Qadjetlərdən geniş istifadə miyopiyanın dünyada yayılmasına səbəb olub. Problem xüsusilə 1997-2012-ci illər arasında doğulanlar arasında müşahidə olunur.

Sonxeber publika.az-a istinadən xəbər verir ki, bu barədə göz cərrahı Yorn Yorgensen danışıb.

Həkimin sözlərinə görə, Böyük Britaniyada son 30 ildə yeniyetmələr və gənclər arasında miyopiya 46% artıb. O qeyd edib ki, bu, yetkinlik dövründə uşaqların gündüzlər çöldə kifayət qədər vaxt keçirməməsi, qadjetlərə üstünlük verməsi ilə bağlıdır.

"Bu səbəbdən onlar kifayət qədər dofamin qəbul etmir və görmə qabiliyyəti pisləşir. Həyatlarının kritik dövründə onlar təbii günəş işığı almırlar və bu, öz növbəsində miyopiyada çox nəzərəçarpacaq bir artıma səbəb olur. Bu, narahatedicidir və görünən odur ki, problem epidemiya halını alıb", - həkim vurğulayıb.

O, həmçinin əlavə edib ki, qadjetlərdən həddindən artıq istifadə miyopiyanın inkişafına kömək edir.

Telegramda izləyin

instagramda izləyin