Bakı və Sumqayıtda yaşayan ermənilər Qarabağa KÖÇÜRÜLƏCƏK? - AÇIQLAMA

Məlum olduğu kimi, işğaldan azad edilmiş ərazilərə keçmiş məcburi köçkünlərin köçürülməsi prosesi davam edir. Azərbaycan vətəndaşlığını qəbul etmək istəməyən erməni sakinləri könüllü surətdə Qarabağı tərk etdilər. Bəs Bakıda və Sumqayıtda yaşayan ermənilər Qarabağa köçürülə bilər?

Mövzu ilə bağlı hərbi ekspert Səxavət Məmmədli Sonxeber.az-a açıqlamasında bildirib ki, müharibə və antiterror əməliyyatına qədər əsas müzakirə mövzusu o idi ki, ermənilər qalacaq və birgə yaşayışın təmin olunması idi:

"Təkcə Ermənistan yox, bütün dünya ölkələri bunun üzərində baş sındırırdı. Hətta bu tip hadisələrin analogiyaları axtarılırdı. Antiterror əməliyyatından sonra demək olar ki, ermənilər qalmadılar. Düzdür bir qədər sayları var. Amma böyük hissəsi könüllü surətdə Qarabağı tərk etdilər. Əgər onlar Qarabağda yoxdursa, birgə yaşayış və digər məsələlər ilə bağlı problemlərdə yoxdur. Əlbəttə ki, bunun üzərində düşünməkdə lazım deyil. Amma Qarabağa Bakıda və Sumqayıtda yaşayan ermənilərin qayıtması məsələsi düşünmürəm ki, baş versin. Onların onsuzda Azərbaycanda yaşayanların böyük hissəsi ad-soyadlarını dəyişdiriblər. Azərbaycanda 30 minə yaxın erməni var və biz onlardan kimisə belə tanımırıq. Çünki onlar bu addımı ataraq illərdir Azərbaycanda yaşayırlar. Onları hardansa Qarabağa köçürməkdə mümkün deyil".

Ekspertin sözləinə görə, kimisə milliyətinə görə Bakı və Sumqayıtdan çıxarıb, Qarabağa yerləşdirmək olmaz. Çünki real görünmür:

"Mən burada fərqli yanaşma demək istəyərdim. Qarabağda insanların sayını artırmaq, yaşayışı tam təmin etmək üçün təbii ki, keçmiş məcburi köçkünləri oraya yerləşdirmək lazımdır. Amma orada bir çox ərazilər var. Oradan qaçan ailələrin sayı ilə indi ki, ailələrin sayı da bir deyil. Xankəndi və digər ərazilər var ki, orada yaşayışı tam təmin etməyə ehtiyac yaranacaq. Hesab etmirəm ki, bu başqa bir millət üzərindən həyata keçiriləcək. Azərbaycanın elə rayonları var ki, içməli və təsərrüfat suyunu belə pul ilə alırlar. Yəni söhbət burada Aran rayonlarından gedir. Mən hesab edirəm ki, Qarabağın tam məskunlaşdırılması məsələsi təkcə qaçqınlar yox, bu tip kəndlərdən insanların köçürülməsi reallaşa bilər. Təklif oluna bilər ki, ev ilə təmin olunacaqlar və getsinlər yaşasınlar. Bu tip etmək mümkündür. Amma indiki məqamda Qarabağ ilə bağlı hardasa yaşayan erməniləri ora gətirməklə nə isə həll etmək olar. Bu Azərbaycana hazırda problem yarada bilər".

Sevda Səfərova

Telegramda izləyin