Vətəndaşların DİQQƏTİNƏ: "150 - 200 manat cərimələnə bilərsiniz" - Açıqlama

Bəzən həftəsonları, istirahət günləri qonşular yuxarı və ya aşağı mərtəbədən gələn səs-küyə görə dincələ bilmir. Bu zaman səs-küy salan qonşulara hansısa cəza verilə bilər ?

Məsələ ilə bağlı vəkil Elvin Əliyev Sonxeber.az-a açıqlama verib.

Vəkil məsələyə aydınlıq gətirib:

"Azərbaycan Respublikasının İnzibati Xətalar Məcəlləsinin 521-ci maddəsinə əsasən məişət səs-küyünə qarşı mübarizə qaydalarının pozulmasına görə yəni mənzillərdə, yaşayış evlərinin girişlərində və həyətlərində, küçələrdə, istirahət yerlərində və digər ictimai yerlərdə gecə vaxtı saat 24-dən 7-dək səs-küy salmağa, ucadan mahnı oxumağa, musiqi alətlərini ucadan çalmağa, televizorları, radioqəbulediciləri, maqnitofonları və digər aparatları gur səslə oxutmağa, məişət səs-küyünə qarşı mübarizə tələblərini başqa üsulla pozmağa görə-fiziki şəxslər yüz əlli manatdan iki yüz manatadək məbləğdə, vəzifəli şəxslər iki min manatdan iki min beş yüz manatadək məbləğdə cərimə edilir. Bundan əlavə məişət səs-küyünə məruz qalmış şəxs mənəvi ziyana görə məhkəməyə müraciət edə bilər".

Telegramda izləyin