Azərbaycanda qaz limiti LƏĞV EDİLƏCƏK? - AÇIQLAMA

İlin soyuq aylarında əhali mənzillərin isildilməsi üçün qazdan xeyli istifadə edir. Ölkə üzrə insanları qayğılandıran əsas məsələlərdən biri də qaz limitinin sıfırlanması məsələsidir. Demək olar ki, ölkəmizdə hər ilin əvvəlində limitlərin yenilənməsi tətbiq edilir. Bəs Azərbaycanda qaz limitləri ləğv edilə bilər?

Mövzu ilə bağlı iqtisadçı ekspert Eyyub Kərimli Sonxeber.az-a açıqlama verib:

"Hesab edirəm ki, ölkəmizdə qaz limitinin əhali üçün ləğv edilməsinə iqtisadi əsaslar var. Bunu etmək olar. Əlbəttə ki, müəyyən yanaşmalar tətbiq edilməlidir. Hazırkı limitlərin iki dəfə artırılması imkanına baxıla bilər. Çünki biz qaz hasilatı edən ölkəyik. Xarici ölkələrə qaz satışını həyata keçiririk. Bu baxımdan iki qiymət tətbiq etmək olar. Özəl sektora, sənaye müəssisələrinə və əhali üçün müəyyən limitlər tətbiq edilə bilər. Bu baxımdan Azərbaycanda hər cür imkanlar var. Bunun tətbiq edilməsi müsbət bir gal olardı. Sözügedən istiqamətdə əhalinin xərcləri çoxalır. Əlbəttə ki, bizim kimi qaz ixrac edən bir ölkə üçün müsbət bir addım olardı".

Xatırladaq ki, 2021-ci ilin oktyabrın 16-da Tarif Şurasının iclasında təbii qaz üzrə topdansatış və pərakəndə satış qiymətlərinin tarif tənzimlənməsinə dair qərar qəbul edilib. Qərara əsasən, əhalinin illik istehlakının 1 200 kubmetrədək olan hissəsi üçün tariflər 10 qəpikdən 12 qəpiyə artırılıb. Əhali üçün 1 200-2 500 kubmetrədək və 2 500 kubmetrdən çox olan hissələr üçün tariflər müvafiq olaraq 20 və 25 qəpik olmaqla dəyişməyib və əvvəlki həddə saxlanılıb. Qeyri-əhali kateqoriyasından sənaye və kənd təsərrüfatı üzrə qazın tarifləri 20 qəpikdən 22 qəpiyə artırılıb.

Sevda Səfərova

Telegramda izləyin