Saxta dərmanlar apteklərdə necə satılır? - AÇIQLAMA

İstər Azərbaycana idxal olunan, istərsə də ölkədə istehsal edilən dərmanların keyfiyyəti nəzarət ciddi şəkildə nəzarət edilməlidir. Sakinlər arasında hələ də qiymətlərin yüksək olması, eləcə də əsasən bölgələrdə vaxtı keçmiş dərman vasitələrinə rast gəlinir. Bəs saxta və vaxtı keçmiş dərmanlar ölkəyə necə daxil? Bu cür dərman preparatları orqanizmdə hansı fəsadlar yarada bilər?

Mövzu ilə bağlı onkoloq-həkim, tibb elmləri doktoru, professor Adil Qeybulla Sonxeber.az-a açıqlama verib. O deyib ki, saxta dərmanlar keyfiyyət parametri yetərincə olmayan, müəyyən standartlara cavab verməyən dərmanlardır:

"Saxta dərman anlayışını dedikdə ilk olaraq biz bunu nəzərdə tuturuq. Bu cür dərman preparatları bəzən içində əsas təsir edici maddənin minimal olması və olmaması baxımından aldadıcı vasitədir. Bu dərman preparatlarının ölkəyə daxil olması onu gətirən firmanın üzərindədir. Hansı firma idxal edirsə, onunla əlaqədar məsuliyyət daşıyırlar. Bir məsələni nəzərə almaq lazımdır. Dərman təhlükəsizliyi məsələsi milli təhlükəsizlik konsepsiyasının bir tərkib hissəsidir. Bu məsələlərdə diqqətli olmaq lazımdır. Bizim uşaqlarımız və gənclərimiz millətin genofondunu təşkil edir. Bu dərmanlar maddələrini qəbul edirlər və diqqətdə saxlamaq lazımdır".

Adil Qeybullanın sözlərinə görə, əhalinin bu baxımdan narazılığı heç də haqsız deyil:

"Onlar atdığı dərmanlardan bir effekt görmürlər. Hətta bu dərmanlar effekti olmadığı halda, insan orqanizmində ağır allergik reaksiyalara səbəb ola bilər. O cümlədən bu tip dərman preparatlarını qəbul edən insanlar arasında ağırlaşmaların olmasına da rast gəlinir. Düşünürəm ki, səhiyyə baxımından ortaya çıxan hər bir məsələyə diqqətlə yanaşmalıyıq".

Telegramda izləyin