"Qarabağ" və "Bayer"in start heyətləri açıqlandı

Bu gün Avropa Liqasında 1/8 finalın cavab oyunları keçiriləcək. "Qafqazinfo" xəbər verir ki, Azərbaycan çempionu "Qarabağ" da növbəti matçına çıxacaq.

Ölkəmizin avrokuboklardakı yeganə təmsilçisi Almaniyada "Bayer"lə görüşəcək.

Xatırladaq ki, "Qarabağ" bu rəqiblə Avroliqanın qrup mərhələsində də qarşılaşmışdı. Səfərdə 1:5 hesabıyla uduzmuş Ağdam klubu, evdə də 0:1 hesablı məğlubiyyətə üzülmüşdü.

"Bay Arena"da təşkil olunacaq görüş Bakı vaxtı ilə saat 00:00-da başlayacaq.

Avropa Liqası
1/8 finalın cavab oyunu
14 mart

00:00. "Bayer" – "Qarabağ"
Baş hakim: Entoni Teylor (İngiltərə)
Leverkuzen. "BayArena"
İlk oyun – 2:2.

***

"Bayer 04" və "Qarabağ"ın start heyətləri bəlli olub.

Komandalar meydana aşağıdakı "11-lik"lərlə çıxacaq.

"Bayer 04": Matey Kovar, Pyero İncape, Odilon Kossunu, Yonas Hofmann, Robert Endrix, Borxa İqlesias, Florian Virts, Edmond Tapsoba, Amin Adli, Ceremi Frimponq, Qranit Caka

"Qarabağ": Andrey Lunyov, Elvin Cəfərquliyev, Bədavi Hüseynov, Julio Romao, Yassin Benzia, Marko Yankoviç, Abdullah Zubir, Bəhlul Mustafazadə, Leandro Andrade, Marko Veşoviç, Juninyo

Telegramda izləyin