Vətəndaşların Xankəndiyə qayıdışı bu tarixdə BAŞ TUTACAQ - AÇIQLAMA

Məlum olduğu kimi, işğaldan azad olunmuş ərazilərə məcburi köçkünlərin yerləşdirilməsi davam edir. Eyni zamanda, yeni köçürülən ailələrə mənzillərinin açarlarının təqdim olunur. Bəs Xankəndi və ətraf ərazilərə məcburi köçkünlər nə vaxt yerləşdiriləcək.

Mövzu ilə bağlı politoloq Məhəmməd Əsədullayev Sonxeber.az-a açıqlamasında bildirib ki, il ərzində vətəndaşların Xankəndiyə köçü baş tuta bilər:

"Azərbaycan işğaldan azad olunmuş ərazilərə köç prosesini uğurla davam etdirir. Füzuliyə, Laçına köç prosesinə məcburi köçkünlər məskunlaşdırılır. Cənab prezident işğaldan azad olunmuş ərazilərə səfərlərində Xankəndi və bitişik ərazilərdə məcburi köçkünlərin yerləşdiriləcəyini diqqətə çatdırıb. Nəzərə alaq ki, burada infrastruktur və evlər var. Burada əhalinin köçürülməsi rahat şəkildə baş tutacaq. Azərbaycan burada ciddi şəkildə maliyyə xərcləməz. Vətəndaşların köçürülməsi üçün lazımi şərait yaradılıb. Düşünürəm ki, il ərzində bir neçə ailənin Xankəndiyə köçürülməsi baş verə bilər. Təkcə Xankəndi deyil, Xocalı, Malıbəyli, Kərkicahan və Şuşanın özünə vətəndaşlar köçürülə bilər. Onsuzda bir sıra ərazilərə vətəndaşların köçürülməsinə start verilib. Əlbəttə ki, köçürülən məcburi köçkünlərin əmək və işlə təmin olunması həyata keçirilməlidir. Xüsusilə dövlətimiz üzərinə götürdüyü öhdəlikləri yerinə yetirir. Eyni zamanda proses diqqətlə həyata keçirilir. Çünki Xankəndi də bir neçə binaların yenidən bərpası və iş yerlərinin yaradılmasını reallaşdırır. İlk olaraq oraya investisiya qoymaq lazımdır. Düşünürəm ki, bu il ərzində, bir neçə aya Xankəndiyə köc baş tutacaq".

Qeyd edək ki, Füzuliyə sonuncu köç karvanı martın 15-də baş tutub. Həmin mərhələdə şəhərə daha 35 ailə - 153 nəfər köçürülüb və onlara mənzillərin açarları təqdim olunub. Ailələr Füzuli şəhərində yenidən tikilən evlərdə məskunlaşıblar.

Sevda Səfərova

Telegramda izləyin