Bayramdan sonra hansı avtomobillər BAHALAŞACAQ? - AÇIQLAMA

Son vaxtlar vətəndaşların avtomobillərə olan tələbatı artır. Yeni maşın almaq istəyənlər rəsmi dillerlərin qapısını döyürlər. Bəs Novruz bayramından sonra hansı avtomobillərin qiyməti bahalaşacaq?

Məsələ ilə bağlı "Azərbaycan Avtomobil Dilerləri Assosiasiyası" (AADA) İctimai Birliyində icraçı direktoru,avtomobil bazarı üzrə tanınmış ekspert Eyyub Əliyev Sonxeber.az-a açıqlama verib:

"Bayramdan sonra əgər rəsmi dillerlər tərəfindən gətirilən avtomobillərdən gedirsə, heç bir qiymət artımı yoxdur və gözlənilmir. Burada söhbət rəsmi avtomobil idxalçılarından gedir. Amma ikinci əl bazarında süni artım həmişə olub və olacaq. Əsasən yaşı 10 il yuxarı olan avtomobillərin ölkəmizə qadağasından sonra, bu avtomobillər bazara daxil olmur. Ona görə də bu avtomobillər ilə bağlı qiymət artımı var. İkinci əl, mühərrik həcmi böyük olan, yəni 3-4 yarım olan avtomobillərdə qiymət artımı yox, əksinə endirimi müşahidə edirik. Onların qiyməti düşür. Çünki vətəndaşlarımız artıq ekonoma üstünlük verdiyi üçün bu avtomobillərin qiyməti düşür. Nəzərə alaq ki, artıq vətəndaşlarımız ekoloji təmiz nəqliyyat vasitələrinə önəm verirlər. Bunlar elektrik və hibrid avtomobillərdir. Cənab prezidentin sonuncu sərəncamından sonra bu infrastruktur ilə bağlı elektrik avtomobillərinə maraq birə-beş artacaq. Ümid edirəm ki, bizim köhnə avtoparkımızın bir hissəsi ekoloji təmiz nəqliyyat vasitələrinin hesabına yenilənəcək".

Sevda Səfərova

Telegramda izləyin