Xaçmazda idman müəlliminin şagirdə qarşı qeyri-etik hərəkətləri araşdırılıb

Xaçmaz rayonunun Qusarçay kənd tam orta məktəbində 62 yaşlı idman müəllimi Təbriz Adıgözəlovun 8-ci sinif şagirdi olan qıza qarşı qeyri-etik hərəkətlər etməsi ilə bağlı səslənən iddialar həqiqəti əks etdirmir.

Sonxeber.az APA-ya istinadən xəbər verir ki, qeyd edilən məsələ ilə bağlı Xaçmaz Rayon Polis Şöbəsinə müraciət edilib.

İstintaq şöbəsində müvafiq araşdırma aparılıb. Səslənən iddiaların həqiqəti əks etdirmədiyi məlum olub.

Qeyd edək ki, Xaçmaz rayonu Qusarçay kənd tam orta məktəbinin fiziki tərbiyə müəllimi Təbriz Adıgözəlovun məktəbin 8-ci sinif şagirdinə qarşı uyğunsuz hərəkətləri ilə bağlı məlumatlar yayılıb. Bildirilib ki, bu barədə məlumatı əldə edən kimi direktor və sosial psixoloq tərəfindən həmin şagirdlə söhbət aparılıb və bundan sonra müvafiq olaraq hüquq-mühafizə orqanlarına məlumat verilib.

Telegramda izləyin