Reklam edilən dərmanlar uşağınızın boyunu uzadır? - Həkimlər fəsadlarını AÇIQLADILAR

Reklam edilən dərmanlar uşağınızın boyunu uzadır? - Həkimlər fəsadlarını AÇIQLADILARSon zamanlar sosial şəbəkələrdə uşaqların boyunun uzanması üçün müxtəlif adlı dərmanlar təklif edilir.

Bildirilir ki, həmin dərmanların tərkibi, əsasən, vitamin və mikroelementlərdən ibarətdir.

Bəs bu dərmanlar nə qədər effektivdir? Neçə yaşından bilmək olur ki, uşaqda boy problemi var? Uşaqların boy artımına təsir edən mənfi amillər nələrdir? Qidalanmanın, idmanın, yuxu rejiminin boy uzanmasına təsiri necədir? Boy artımı neçə yaşa qədər davam edir?

Həkim-endokrinoloq Fərhad Burzu Oxu.Az-a açıqlamasında bildirib ki, hər bir cəmiyyətin yerləşdiyi arealda insanların boy və çəki nisbəti spesifikdir:

"Hər ailəyə məxsus boy, çəki inkişaf meyarları var. Təəssüf ki, biz Türkiyə cədvəllərindən istifadə edirik. Çünki Azərbaycan üçün bu məsələdə qəbul olunmuş standartlar mövcud deyil. Cədvəllərə əsasən, yenidoğulmuş dövrdən etibarən uşağın hər dövrə uyğun çəkisinin, boyunun, sümük-skeletinin inkişafının nə qədər yetərsiz və ya artıq olmasını müəyyən edirik.

İnkişaf etmiş ölkələrdə pediatrlar, bağça, məktəb həkimləri il ərzində ən azı bir-iki dəfə boy, çəki inkişaf dərəcələrini ölçür və qeyd edirlər. Nəticədə onların boyunun, çəkisinin və cinsi inkişafının irəlilədiyini və ya geri qaldığını təyin edirlər. Bizim cəmiyyətimizdə bu, yox səviyyəsindədir. Çünki bağçada, məktəblərdə bu proses aparılmır".

F.Burzu deyir ki, yenidoğulmuş dövrdən etibarən uşaqlarda boy artımı geriləyə və ya sürətlə irəliləyə bilər:

"Qısaboyluluğu ən kiçik yaşda təyin etmək mümkündür. Müalicə-təqib tədbirlərinə iki yaşından etibarən başlanılır. Qızlarda 9-13 yaşından, oğlanlarda isə 13-15 yaşdan etibarən cinsi inkişafla yanaşı, boy artmasına da daha ciddi yanaşırıq. Boy inkişafının geriləmə dərəcəsi üç faiz (3-cü persentil) civarındadırsa, boy yetməzliyi hesab olunur. Persentil 100-ün üstündədirsə, boy artıq hesab edilir".

Endokrinoloq vurğulayıb ki, boy artımına təsir edən faktorlar orqanizmdə boy hormonunun ifrazının artıqlığı və azlığı ilə əlaqəlidir:

"Genetik faktor da burada əsas məsələdir. Həm irsi olaraq qısaboyluluq, həm də boy hormonunun yetməzliyi ola bilər. Boy qısalığı və hündürlüyü tək sağlamlıq məsələsi deyil, eyni zamanda, əmək qabiliyyətinin olmaması və əlillik dərəcəsi üçün əsas kimi də dəyərləndirilir. Passiv həyat tərzi, həddən artıq elektron cihazlardan istifadə, stres, qeyri-sağlam qidalanma uşağın böyüməsinə və bədənin ümumi inkişafına mənfi təsir göstərir.

Qeyd edim ki, böyümə hormonunun ifrazı uşaqların yuxu rejimi ilə birbaşa bağlıdır. Belə ki, boy hormonu, əsasən, gecə saat 21:00-3:00 arasında və uşaq yuxuda olarkən ən yüksək ifraz olunma həddinə çatır. Əlbəttə ki, bu saatlarda oyaq olan uşaqlar öz boy potensialından geri qalırlar. Amma vaxtında yatan uşaqlar öz genetik potensialının maksimum həddinə çata bilirlər".

Həkim uşaqların sağlamlığı barədə valideynlərə çağırış edib:

"Ölkəmizdə insanlar özünümüalicə ilə məşğul olmaqdadırlar. Təəssüf ki, çox adam fərqli üsullarla boy hormonları əldə edir. Bu, yolverilməzdir. Sosial şəbəkələrdə satılan dərmanlara nəzarət edən qurum yoxdur və orada kim nə istəyir, satır.

Ölkədə qeydiyyatdan keçməyən çoxlu sayda dərmanlar satılır. Çalışmaq lazımdır ki, həkim yazan dərmanlardan istifadə edilsin. Bütün bu hallardan övladlarınızı qorumaq üçün onların müalicəsini həkim müayinəsi ilə davam etdirməyiniz məqsədəuyğundur".

Pediatr Vaqif Qarayev Oxu.Az-a açıqlamasında bildirib ki, son zamanlar sosial şəbəkələrdə boy məsələsi ilə bağlı paylaşımlar aktuallaşıb:

"Hər uşağın boy hormonu yoxlanılmalıdır. Bu, atanın, ananın boy ölçüsü və müəyyən əmsalla aparılır. Nəticədə ortaya rəqəm çıxır. Bu rəqəmlə uşağın boy artımında problemin olub-olmadığı bilinir. Eyni zamanda, uşaqların boyunda inkişafın olub-olmaması onun biləyindən edilən rentgen çəkilişindən də bilinir.

Valideynlər bilməlidirlər ki, aptekdəki boy dərmanı satan şəxslər boyu təyin etmirlər. Valideyn uşağının boyunun ölçüsündən narahatdırsa, mütləq həkimə müraciət etməlidir. Əgər aparılan müayinələrdə nəticələr normaldırsa, valideynin özünün boyu balacadırsa, bu, genetik məsələdir. Bunu belə qəbul etmək lazımdır. Tövsiyə edilən dərmanlar sizin uşağınıza mənfi təsir edə bilər".


Sonxeber.az Telegramda izləyin instagramda izləyin
Sağlamlıq   Baxılıb: 585   Tarix: 24 mart 2024  

Şikayətiniz varsa Whatsapp: 051 7028255

Facebookda Paylaş


Ustalar.az ustalar sayti

Oxşar xəbərlər

.

Əlilliyi olan şəxslərə pulsuz verilən dərman preparatlarının sayı artırıldı

Nazirlər Kabineti "Əlilliyi olan şəxslərin dərman preparatları, tibbi xidmət və ölkə hüdudları daxilində sanatoriya-kurort müalicəsi ilə təmin olunması Qaydası"nda dəyişiklik edib. -ın xəbərinə görə, "Əlilliyi olan şəxslər üçün ambulator şəraitdə istifadə olunan ən vacib dərman preparatlarını

25 may
.

Bu dondurmalar zəhərləyir – Necə ayırd etmək olar?

Dondurma ən məşhur yay məhsullarından biridir. Lakin süddən hazırlanan bu məhsul həm də zəhərlənmə potensialı ən yüksək olan qidalar arasındadır. -a istinadən xəbər verir ki, dondurmadan zəhərlənməmək üçün bir neçə sadə qaydaya əməl etmək lazımdır. Mütəxəssislər kristallaşan dondurmaları yeməmək barəd

12 may
.

Kifayət qədər yatmamaq hansı problemlərə səbəb olur? - Həkim

Səhiyyə Nazirliyinin mütəxəssis-eksperti, həkim-terapevt Nahid Məhərrəmov Səhiyyə Nazirliyinin saytına yuxu, onun əhəmiyyəti, fəsadları və qarşısının alınması yolları barədə müsahibə verib. Ölkə.Az xəbər verir ki, müsahibədə yuxunun vacibliyi barədə danışan mütəxəssis-ekspert deyib: "Yuxu ətra

15 may
.

Bu dondurmaları ALMAYIN - XƏBƏRDARLIQ!

Artıq havalar isinmək üzrədir. Belə günlərdə isə əksəriyyət sərinləmək üçün dodurma yeyir. Digər tərəfdən, satışda kifayət qədər saxta, keyfiyyətsiz məhsulların olduğu da hər kəsə bəllidir. Maraqlıdır, hansı dondurmaları istehlak etməliyik?. Bununla bağlı -a açıqlama verən qida eksperti Ağa Salamov deyi

31 may
.

Miqrendən əziyyət çəkənlər bunu oxusun

Miqren beyindəki bir sıra kimyəvi dəyişikliklərdən qaynaqlandığı ehtimal edilən, lakin yaranma səbəbi dəqiq məlum olmayan xroniki xəstəlikdir. Axşam.az xəbər verir ki, bəzi araşdırmalar damarların sıxılmasının şiddətli tutmalara səbəb olduğunu göstərir. Miqren əsasən başın bir hissəsində yaranır. Şiddətl

19 may
.

Şəkər və maya çörəyinin zərəri

Şəkər və maya çörəyi sümüklərin möhkəmlənməsinə mane olur. Bu barədə Moskva vilayətinin Səhiyyə Nazirliyinin Vidnovski adına Klinik Xəstəxanasının travmatoloq-ortopedi Rüstəm Əfəndiyev deyib. Mütəxəssis şəkəri qurudulmuş meyvə və ya balla əvəz etməyi, maya bişirməyə alternativ olaraq turş xəmirdən hazırlana

10 iyun
.

Peyğəmbərin göz yaşından yaranmış bənövşənin şəfalı xüsusiyyətləri

Əfsanəyə görə, bənövşə böyük tufandan sonra Nuh peyğəmbərin göz yaşlarından yaranıb. Ona görə utancaqdır, kövrəkdir, boynu bükükdür. Bu zərif çiçək əslində böyük şəfaverici xüsusiyyətə malikdir. "Şəfalı bitkilər" rubrikasında bənövşə bitkisi haqqında məlumat verir. Şəhər bağlarında yetişdirilə

12 iyun
.

Hansı yaşdan artıq təzyiq xəstəliyi başlayır?

Arterial hipertoniyanın üzə çıxdığı və ən çox diaqnoz olunduğu yaş 40 yaşdan sonradır. "Medicina" xəbər verir ki, kardioloq Denis Sokolov kimlərdə erkən hipertoniya riski olduğunu bildirib. "Yaxın ailə üzvlərində, irsi olaraq, hipetoniya olması təzyiq xəstəliyini 40 yaşa qədər də yarad

28 may
.

Mədə yanmasını saniyələr ərzində yox edən qidalar

ediyimiz-içdiyimiz bir çox qida mədə yanmasına və mədə ağrısına səbəb ola bilir. Zamanla bu simptomlar reflüks, qastrit və xoralara çevrilir. Uzunmüddətli həll yolu olmasa da, mədə yanması zamanı istehlak edildiyi anda effekt verən bir neçə qida var. həmin qidaları təqdim edir:. Ayran: soyuq ayran turşuluğ

17 may