Azərbaycanda bu tarixdən DOLLAR BAHALAŞA BİLƏR! - ARAŞDIRMA

Ara-sıra mətbuatda dolların bahalaşması ilə bağlı məlumatlar yayılır. Bəzi iqtisadçı ekspertlər dolların 2 manata qədər yüksələ biləcəyini iddia edir. Azərbaycanda hansı tarixdən dolların bahalaşması gözlənilir?

Mövzu ilə bağlı iqtisadçı ekspert Xalid Kərimli Sonxeber.az-a açıqlama öz fikirlərini bildirib:
"Bu "Google"da axtarışda 1 manat 59 sent olması məsələ tam olaraq savadsızlıqdan yaranan vəziyyətdir. 1 manat 59 sentdir. Biri var ki, 1 dollar 1.70 sent deyirik. 1-i bölüb 1.7-ə və bu rəqəmi hər bir şəxs tapa bilər. Sadəcə olaraq, biz həmişə 1 dolları manatla ifadə etmişik. İndi isə 1 manat isə dollar ilə ifadə olunub. Bu hazırda Google-da yazılı olaraq çıxıb. 1 AZN yazanda isə 1.70 çıxılır. Bu sadəcə olaraq riyazi məsələlərdir. Azərbaycanda bu il devalvasiya gözlənilmir. Riski azdır. Çünki neft qiymətləri yüksəkdir və tədiyyə balansı profisitlidir. Hər hansı bir risk aşağıdır. Hökumətin belə bir olanı yoxdur. Onların proqnozlarında bunu görmək olmur. Risk olduqda dolların 2-3 manat olmasını düşünmək lazımdır. Hazırda belə bir gözlənti yoxdur".

İqtisadçı Natiq Cəfərlinin sözlərinə görə, bu il ərzində ölkədə məzənnə dəyişikliyi gözlənilmir:
"Arada sistemdə belə bir atlamalar baş verir və bəzən şəxslər bunları "fake" kimi yayırlar. Bunun reallıq ilə yaxından uzaqdan əlaqəsi yoxdur. Azərbaycan manatının məzənnəsini hökümət müəyyənləşdirir, birja müəyyənləşdirmir. Azərbaycanda məzənnə inzibatidir. Hökumət müəyyən edir və Mərkəzi Bank elan edir. Ona görə də, mən düşünmürəm ki, bu il ərzində hökümət qərarı ilə məzənnə dəyişsin. Amma gələn il hökumət qərarı ilə bu mümkündür. Çünki uzun müddətdir ki, sabit məzənnə rejimidir. 1 manat 70 qəpik rejimi artıq 8 ildir ki, var. Bunu daim davam etdirmək mümkün deyil. Yəqin ki gələn il heç olmasa seçki prosesləri bitdikdən və müxtəlif tədbirlər keçiriləndən sonra Azərbaycanda hökumət məzənnə dəyişikliklərinə gedə bilər".

Sevda Səfərova

Telegramda izləyin