Qiymətlər "od tutub yanır":Bazarda meyvə-tərəvəz niyə bahadır?

Bu ilin fevral ayında əsas ərzaq məhsullarının istehlak qiymətləri indeksində artım müşahidə edilir. Belə ki, fevral aylnda yanvar ayı ilə müqayisədə ət və ət məhsullarının istehlak qiymətləri indeksi 100,2%, balıq və balıq məhsulları 100,9%, süd və süd məhsulları 100,2%, meyvələr 103,5%, tərəvəzlər 102,1%, qənd, cem, bal, şokolad və konfetlər 100,1%, çay, qəhvə, kakao 100,1%, mineral sular, sərinləşdirici içkilər və şirələr 100,3% təşkil etmişdir. Çörək, çörək məmulatları və yarmaların qiymətlərində isə dəyişiklik baş verməyib. Bəs niyə görə Azərbaycan kənd təsərrüfatı ölkəsi olsa da, məhsulların qiyməti bahadır?

Məsələ ilə bağlı iqtisadçı Natiq Cəfərli Sonxeber.az-a açıqlama verib:

İqtisadçı məsələyə aydınlıq gətirib:

"Azərbaycanda kənd təsərüffatl məhsullarının qiyməti hər il bu mövsum qalxır. Çünki yerli məhsullar bazardan şəkilir. Yeni məhsullar hələ çıxmır. Ona görə də kənd təsərrüfatı məhsullarının qiymətlərində bu şəkildə ciddi artım müçahidə olunur. Digər bir səbəb isə kənd təsərrüfatı məhsullarının Rusiyaya ixrac edilməsidir. Kənd təsərrüftı məhsulları Rusiyaya ixrac edildiyi üçün yerli bazarda məhsul azalması müşahidə olunur. Bu da qiymət artımına səbəb olur".

Telegramda izləyin