Bakıda iki avtomobil toqquşub, xəsarət alanlar var - YENİLƏNİB + FOTO

"Bakı şəhəri Nəsimi rayonunda baş vermiş ağır yol-nəqliyyat hadisəsi zamanı bir nəfər xəsarət alıb".

Bunu Oxu.Az-ın sorğusuna cavab olaraq Daxili İşlər Nazirliyinin (DİN) Bakı Şəhər Dövlət Yol Polisi İdarəsinin bölmə rəisi, polis kapitanı Toğrul Nəsirli bildirib.

O, qeyd edib ki, ümumilikdə beş nəfər xəstəxanaya müraciət edib. Onlardan dördünə ilkin tibbi yardım göstərildikdən sonra evə buraxılıb, bir nəfər isə xəsarət alıb".

08:46
Bakının Nəsimi rayonunda ağır yol-nəqliyyat hadisəsi qeydə alınıb.

APA xəbər verir ki, qəza 28 May və Rəşid Behbudov küçələrinin kəsişməsində baş verib.

Yol Patrul Xidmətinin əməkdaşının verdiyi məlumata görə, 28 May küçəsi ilə hərəkətdə olan "Toyota" markalı maşının xanım sürücüsü işıqforun qırmızı işığından keçərkən yol ayrıcında olan "Chevrolet" markalı avtomobilə çırpılıb. Daha sonra "Toyota" mağazaya dəyərək dayanıb.

Qəza nəticəsində "Toyota"nın sürücüsü və sərnişini ağır xəsarət alaraq salonda sıxılıb qalıblar.

Əraziyə FHN-in Xüsusi Riskli Xilasetmə Xidmətinin əməkdaşları gələrək yaralıları maşından çıxarıblar.

Hadisə yerinə Nəsimi Rayon Polis İdarəsinin və Yol Patrul Xidmətinin əməkdaşları cəlb ediliblər.

Hadisə ilə bağlı avtotexniki ekspertiza təyin edilib.

Telegramda izləyin