Qızını öldürən zaman psixoloji problemi olduğunu deyən ata AZADLIĞA BURAXILACAQ? - AÇIQLAMA

Xəbər verdiyimiz kimi, Sumqayıtın Hacı Zeynalabdin qəsəbəsində azyaşlını qəsdən öldürməkdə şübhəli bilinən atası - 1984-cü il təvəllüdlü Yeşil Ahmet Turan saxlanılıb. Saxlanılan zaman Baku tv-nin əməkdaşının sualını cavablandıran Yeşil Ahmet Turan bildirib ki, hazırda onun psixoloji problemləri olduğunu deyib. Cinayəti törətməkdə şübhəli bilinən şəxs ifadəsində prsixoloji problemi olduğunu iddia edərsə, azadlığa buraxıla bilər?

Mövzu ilə bağlı Siyasi və Hüquqi Araşdırmalar Mərkəzinin (SHAM) sədri Xəyal Bəşirov Sonxeber.az-a açıqlamasında bildirib ki, Azərbaycan qanunvericiliyinə görə, bütün hallarda insanların cinayət törətməsi məsələsi, hadisələrin nəticələri qanunla tənzimlənir. Yəni hazırda qüvvədə olan cinayət qanunvericiliyinə görə, şəxsin cinayəti törətdiyi zaman anlaqlı olub-olmaması məsələsi gündəmə gəlir:

"Yəni o şəxs müxtəlif formalarda iddialar ortaya qoya bilər. Mən düşünürəm ki, şəxsin özünün verdiyi ifadəsinə görə, anlaqsız olubsa bu halda təcrübəyə əsaslanaraq demək olar ki, real görünmür. Anlaqsız olan şəxsin özünün anlaqsız olduğu barədə məlumat verməsi təcrübədə çox nadir hallarda görünür. Amma hər bir halda bir insanın özünün körpə uşağına qəsd etməsi məsələsi müəyyən mənada ciddi araşdırma tələb edən haldır. Yəni söhbət burada cinayətin araşdırılmasından getmir. Həm də eyni zamanda şəxsin özünün psixoloji durumu, cinayəti törədərkən anlaqlı olub-olmaması məsələsi araşdırma tələb edir. Hər bir halda bu vəziyyətlərdə şəxsin anlaqlı olması məsələsi yoxlanılır. Azərbaycan qanunvericiliyinə görə, həmin şəxsin törətdiyi cinayəti həyata keçirərkən psixoloji vəziyyəti tibbi ekspertiza nəticəsində müəyyən ediləcək. Tibbi ekspertizanın yekun rəyinə görə, körpəsini öldürən şəxsin həmin cinayəti törədərkən anlaqsız vəziyyətdə olduğu müəyyən ediləcəksə burada bir sıra məsələlər araşdırılacaq".

Hüquqşünas deyib ki, həmin şəxs barəsində Azərbaycan Respublikasının Cinayət Məcəlləsinin 93-cü maddəsində nəzərdə tutulmuş tibbi xarakterli məcburi tədbirlər tətbiq ediləcək. Ümumiyyətlə Azərbaycan qanunvericiliyinə görə, cinayət hüququ xarakterli tədbirlərindən biri də tibbi xarakterli məcburi tədbirlərdir. Onların özünün də müvafiq növləri var:

"Bu tədbirlərin həyata keçirilməsində məqsəd odur ki, həm şəxsin anlaqsız vəziyyətdən çıxması və məcburi şəkildə müalicə olunması məqsədi daşıyır. Həmin şəxsin növbəti cinayətləri törətməsinin qarşısının alınması və cəmiyyətdən təcrid olunması məqsədi daşıyır. Əgər bu şəxs anlaqsız olsa belə, bu o demək deyil ki, ona cəza verilə bilməz. Qanun və onun normaları işləyir. Sadə məntiqlə yanaşsaq, o şəxs azadlıqda qalacaqsa, növbəti mərhələdə digər şəxslərin həyatına qəsd edə bilər. Bu halda dövlət sözügedən şəxsi cəmiyyətdən təcrid edir. Həmin şəxsin müalicə olunması ilə anlaqsız vəziyyətdən normala qayıtması ilə bağlı işlər görülür. Bu məsələ sözügedən şəxs sağalana qədər davam edəcək".

Sevda Səfərova

Telegramda izləyin