Aprelin 5-dən sonra Azərbaycan-Ermənistan arasında hərbi əməliyyatlar başlaya bilərmi? - AÇIQLAMA

Bildiyimiz kimi, Ermənistanın şərti sərhəddə zirehli texnikaların yerləşdirilməsi və yerdəyişməsi, o cümlədən qoşunların cəmlənməsi davam edir. 5 apreldə isə Aİ-ABŞ-Ermənistan arasında müştərək konfransının baş tutması gözlənilir. Aprelin 5-dən sonra Azərbaycan-Ermənistan arasında hərbi əməliyyatlar başlaya bilərmi?

Mövzu ilə bağlı hərbi ekspert Elxan Şıxəliyev Sonxeber.az-a açıqlamasında bildirib ki, son zamanlar Ermənistan ilə şərti sərhəddə hərbi texnikanın hərəkət kolonlarının videoları yayımlandı. Ermənistan tərəfi bu videoların təlim məqsədilə həyata keçirildiyini açıqladı. Xüsusilə onlar bunları hərbi sürücülərin məşqləri kimi servis etdilər:

"Düşünürəm ki, Ermənistanın bu yanaşma reallıqdan və həqiqətdən çox uzaqdır. Videolardakı yerdəyişmədə hərbi zirehli texnikanın tərkibinə baxsaq bunlar hücumlar silahlarının yerdəyişməsidir. Xüsusən piyada döyüş maşınlarının şərti sərhəddə yönlənməsi, artilleriya bölmələrin hərəkəti adətən hər hansı bir hücum əməliyyatı başlayan zaman olur. Belə ki, hücum əməliyyatları piyada döyüş maşınları ilə başlayır, artilleriya isə onları dəstəkləyir. Ermənistan bu məsələni sürücülərin təlimi ilə bağladıqda artıq həqiqəti gizlətmək mənasına gəlir. Həqiqətən belə olsaydı, onların təlimini poliqonlarda keçirmək çox asan bir məsələdir. Bunu bəs niyə şərti sərhəddə edirlər? Bu təzadlı açıqlama bir sıra ehtimallar yaradır".

Ekspertin sözlərinə görə, Ermənistan gizli bir fəaliyyət icra edir. O fəaliyyətində zamanlaması və tərkibinə baxdıqda Ermənistanın tam olaraq 5 aprel öncəsi bir gərginlik yaratmaqda maraqlıdır. Maraqlı olmasının səbəbləri var. Elxan Şıxəliyevin fikrincə, bu mərhələdə ABŞ və Qərbin böyük bir planının işə düşəcə bilər:

"NATO-nun şərq doğru genişlənməsi Ermənistan coğrafiyasınıda içərisinə ala bilər. Gələcəkdə Cənubi Qafqaz və Rusiyaya qarşı ikinci cəbhənin açılması ilə münaqişənin yaradılmasını modelləşdirəcəklər. Ermənistan siyasi-hərbi rəhbərliyi Azərbaycanı təhdid kimi göstərsələr də, bütün zamanlarda həmişə Ermənistan tərəfi təhriklər edirdi. Bundan sonra isə prosesdə Azərbaycan günahlandırılir. 5 aprelə qədər gərginlik pik həddə çatacaq. Ermənistan Qazax və cənubda Kərki istiqamətində münaqişəyə təhrik edəcəklər. Burada ikinci qüvvələrin, o cümlədən NATO qüvvələrinin gətirilməsi üzrə addımlar atacaqlar. Hərbi təhlükəsizlik məsələsi bu münaqişə baş verəndən sonra aktuallaşa bilər. Düşünürəm ki, mövcud vəziyyəti yaratmaq üçün tələsərək. Əks təqdirdə bu məsələ Ermənistanın istədiyi kimi öz həllini tapmaya bilər. Bu səbəbdən 5 aprel və sonrakı mərhələdə gərginliyin pik həddə çatacağını gözləməliyik".

Sevda Səfərova

Telegramda izləyin