Ünvanlı sosial yardım alanların sayı niyə AZALIB? - VİDEO

2023-cü ildə ünvanlı sosial yardım alanların sayı əvvəlki illər ilə müqayisədə 18 min 500 nəfər azalıb. Dövlət Statistika Komitəsinin məlumatına görə ötən il 64 min ailə bu yardımdan faydalanıb. Yardım üçün müraciət edənlər isə şərtlərin ağır olduğunu bildiriblər. Zaqatala sakinlərinin sözlərinə, müraciətlərə imtinalar adətən vətəndaşın adına avtomobil, həmçinin pay torpağı və təsərrüfatın olmasına görə gəlir.

Sonxeber.az xəbər verir ki, mövzu ilə bağlı Milli Məclisin deputatı Vüqar Bayramov "Xəzər Xəbər"ə açıqlama verib. O bildirib ki, ünvanlı sosial yardıma müraciət edənlərin sayının azalmasında səbəb müraciət formasında tələb olunan məhdudiyyətlərdir:

" Mövcud qaydalara əsasən əgər ailənin adında avtomobil varsa, həmin ailənin ünvanlı sosial yardıma müraciət hüququ yoxdur. Halbuki elə ailələr var ki, avtomobilləri kifayət qədər köhnədir. Hətta ötən əsrin 80-ci illərində istehsal olunmuş avtomobili olan ailələr belə ünvanlı sosial yardıma müraciət edə bilmirlər. Bizim təklifimiz ondan ibarətdir ki, avtomobil ilə bağlı şərtə baxılması və yüngülləşdirilməsinə ehtiyac var. Şərtlərdə ailə başçısının işləməsi vacib məqamlardan biridir. Amma nəzərə alsaq ki, bu gün əksər ailələrdə çalışanların sayı 2 deyil 1-dir. Müəyyən kateqoriyaya aid şəxslərin ünvanlı sosial yardımdan faydalanmaları vacibdir".

Ətraflı "Xəzər Xəbər"in süjetində:

Telegramda izləyin