"Mənə Mehriban Əliyeva dəstək oldu"

"Hər bir ifaçımızda şarm var. Bu da Allah vergisidir. Qadınlar bir-birindən gözəldir. Ailə qadınları var ki, ədalarına, münasibətlərinə baxanda sevinirsən. Amma sənət aləmində olan qadınlarda şarm olmasa sevilməzdi".

Axşam.az xəbər verir ki, bu sözləri Xalq artisti Nisə Qasımova Əməkdar artist Rəşad İlyasovun "Danışır musiqi" proqramında deyib.

"Bütün sənət adamının şəxsi dünyasında dərdi var. Nəsə çatmır, onları incidir. Həmin o ağrı, ürəyindəki yanğı onları püxtələşdirir və sənət meydanına atır. Bu yaşantılar məni möhkəmləndirir. Çox sınmışdım. Hər dəfə özümü toparladım. İnsan zəif cəhətlərini göstərib, başqasına nümayiş etdirməz. Onu bir Allah, bir sən bilirsən. Allah sənin yaranı bağlayırsa, gücü verirsə, onun sevimli bəndəsisən.

Sıxıntılı günlərimdə konsert verdim, Birinci xanım Mehriban Əliyeva mənə dəstək oldu. 360 şəkərlə səhnəyə çıxdım. Sonra xəstələndim, Mehriban xanıma müraciət edildi, onun dəstəyi ilə müalicə oldum. İnsult keçirəndə də mənə yardım edildi. 11 gün tərpənmədən xəstəxanada yatdım".

Telegramda izləyin