Qardaş hamilə bacısını başından güllələdi - DƏHŞƏTLİ CİNAYƏT

Türkiyədə ağlasığmaz hadisə baş verib.

Sonxeber.az türk mediasına istinadən xəbər verir ki, Şanlıurfadan qaçaraq Mersinə gələrək evlənən, 2 ay yarım hamilə olan gənc qadını qardaşı küçənin ortasında başından güllələyərək öldürüb.

Əldə edilən məlumata görə, hamilə qadın sevgilisi ilə Mersinə gələrək rəsmi nikah bağlayıb və onunla yaşamağa başlayıb. Qadın müayinə üçün getdiyi xəstəxanadan çıxan zaman qardaşı tərəfindən pusquya düşüb və başından güllələnib.

Sözgügedən qadın hadisə yerində dünyasını dəyişib və qardaşı isə olduğu ərazini tərk edib. Ətrafdakıların xəbər verməsindən sonra hadisə yerinə sağlamlıq və polis qrupları göndərilib.

Qətlə şahid olan və şoka düşən gənc qadının baldızı və hadisədən xəbər tutaraq əraziyə gələn əri Həsən Qırmızı huşunu itiriblər. Bölgədə araşdırma aparıldıqdan sonra gənc qadının meyiti xəstəxana morquna göndərilib.

Polis qətldə şübhəli bilinən qardaşı ələ keçirmək üçün genişmiqyaslı araşdırmalara başlayıb.

Telegramda izləyin