Zəngəzurda nə BAŞ VERİR? - "Ermənistan yolun açılması ilə bağlı QARANTİYALAR ALIB" - ŞƏRH

Son vaxtlar Ermənistan rəsmiləri, o cümlədən ölkənin baş naziri Nikol Paşinyan Zəngəzur dəhlizi ilə bağlı fikirlər səsləndirilir. Bununla yanaşı, Ermənistan Zəngəzurda yeni gömrük məntəqəsi tikir. Yeni gömrük məntəqəsinin tikilməsinin rusların sərhəddən çıxarılmasından sonra gündəmə gəlməsi diqqət çəkib. Proseslərə nəzər yetirsək, Paşinyan Zəngəzur yolunun açılması ilə bağlı Azərbaycandan hansı güzəştləri tələb edə bilər?

Mövzu ilə bağlı Sonxeber.az-a danışan hərbi ekspert Səxavət Məmməd deyib ki, Putin ilə görüşdən əvvəl Paşinyanın açıqlaması olmuşdu. O bildirib ki, 10 noyabr bəyanatı ləğv olunub ya da Rusiya sərhədçilərinin Zəngəzur dəhlizinə nəzarəti ola bilməz:

"Eyni zamanda Zəngəzur dəhlizinə Ermənistan tərəfinin nəzarət edəcəyini bildirib. Amma biz başqa bir məqamın şahidi olduq. Məlum oldu ki, görüşdən sonra iqtidar nümayəndələri Rusiyanın mövqeyi ilə bağlı daha radikal yox, müsbət fikirlər səsləndirməyə başlayıblar. Yəni dolayısıyla ordakı proseslər artıq nisbətən yumşalmaya gedib. Yumşalma onu göstərir ki, həmin istiqamətdə Rusiya sərhədçilərini geri çəkir. Dolayısıyla sanki tərəflər bir-birinə jest etməklə məşğuldur. Təbii ki, Ermənistanda yolun açılmasını da istəyir. Sadəcə olaraq müəyyən şərtləri var idi. Şərtlərin həyata keçməsini gözləyirdi. İndiki məqamda görünən odur ki, Ermənistanın şərtlərinin hamısı olmasa da, bir qismi ilə bağlı qarantiyalar alıb. İndiki məqamda dəhlizin açılması və fəaliyyəti real görünməyə başlayıb. Hesab edirəm ki, Ermənistanda hakimiyyət dəyişikliyi baş verməsə bu prosesin yaxın zamanlarda baş verməsinin şahidi olacağıq".

Qeyd edək ki, gömrük məntəqəsinin Sünikin (Zəngəzur -red.) Şəki kəndində 7,7 hektar ərazidə tikilməsinin nəzərdə tutulduğu bildirilir. Sünik vilayətində belə bir mərkəzin yaradılması prioritet məsələdir. Çünki bölgədə iki müvəqqəti saxlama anbarı olsa da, onların ərazi və tikinti şəraiti, eləcə də gömrük xidməti üçün lazımi texniki avadanlıqları yoxdur.

Sevda Səfərova

Telegramda izləyin