Kənd təsərrüfatına dəymiş zərər bazara necə təsir edəcək? - VİDEO

Bir neçə gündür ki, ölkəmizdə müşahidə edilən qeyri-sabit hava şəraiti əkin sahələrinə ciddi ziyan vurub.

Sonxeber.az xəbər verir ki, problem ilə bağlı fermerlər "Xəbər Ertəsi"nə danışıb. Fermerlər deyirlər ki, ərik, gilas, alça ağaclarına dəymiş zərər həmin məhsulların qıtlığına gətirib çıxara bilər.

"Son zamanlar yağan yağışlar, düşən dolular bizə ciddi ziyan vurub. Gilas ağaclarındaki meyvələrin hamısı yararsız hala düşüb. Hər ağacda 150-200 kiloqram gilas əmələ gələ bilər. Ancaq indi demək olar bilər ki, 70-80 faizi yoxa çıxıb".

Fermerlərin sözlərinə görə yağıntılı hava şəraiti tənəklərə də mənfi təsir göstərir. O cümlədən küləkli hava şəraiti üzüm tənəklərinin qırılmasına səbəb olub:

"Yarpaqlar, salxımların hamısı tökülüb. 49 sot hələ torpağımdır. Salxım sayı yerində yoxdur. Küləkli hava hər şeyi məhv edib".

Fermerlər kənd təsərrüfatına dəymiş zərərin bazar qiymətlərinə təsir edəcəklərini düşünürlər. Onlar bildiriblər ki, keçən il bu vaxt bar verən meyvə ağaclarında məhsul demək olar ki, yoxdur.

Ətraflı "Xəbər Ertəsi"nin süjetində:

Telegramda izləyin