Bu ölkələrin Qarabağda konsulluq açmaq niyyəti NƏDİR? - ŞƏRH

Son zamanlar Rusiyanın Qarabağda konsulluq açmaq niyyəti gündəm mövzusuna çevrilib. Mətbuatda nəinki Rusiya, həta İranın belə Qarabağda konsulluq aça biləcəyi ilə məlumatlar yayılıb. Bəzi ekspertlər Rusiyanın Qarabağda konsulluq açmaq niyyətinə birmənallı yanaşmır və bununla razılaşmırlar. Bəs hər iki ölkənin Qarabağda konsulluq açması ilə bağlı maraqları nədir?

Mövzu ilə bağlı Sonxeber.az-a danışan hərbi ekspert Səxavət Məmməd deyib ki, burada ilk olaraq konsulluq və səfirlik arasında fərqə nəzər yetirməliyik:

"Səfirlik siyasi diplomatik məsələlər ilə məşğul ola bilər. Amma konsulluq məsələsi daha çox sənəd işləri, ticarət və turizm ilə bağlıdır. Burada qeyri-adi bir şey yoxdur. Mən düşünürəm ki, Qarabağda təkcə Rusiya və İranın yox, bir çox ölkələrin konsulluqlarını açmaq lazımdır. Bunların sayı nə qədər çox olsa, bölgənin təhlükəsizliyinin təminatı kimidir. Azərbaycanın bir çox ölkədə konsulluqları var. Türkiyədə, İranda və Rusiyanın bir neçə şəhərində Azərbaycanın konsulluğu fəaliyyət göstərir. Burada heç bir problem yoxdur. Qarabağda, xüsusilə Xankəndini siyasi mərkəzlərdən birinə çevirmək lazımdır. Burada qeyri-adi bir şey yoxdur. Açığı burada hər hansı bir xüsusi məqsəd də yoxdur. Əgər hansısa ölkə hesablayırsa, Qarabağda turizm inkişaf edəcək, ciddi addımlar atılacaqsa mərkəzi təyin edərək orada konsulluq açırlar. Rusiya və İran elə bir dövlətdir ki, onlar konsulluq olmadan da bir şəkildə fəaliyyət göstərə bilirlər. Bu məsələyə bir qədər fərqli baxmağın tərəfdarıyam".

Telegramda izləyin