Azərbaycanda "bitcoin" istifadəsi QADAĞAN OLUNUR? - AÇIQLAMA

"Bitcoin" virtual məkanda istifadə olunan ödəniş vasitəsidir. Bu ənənəvi maliyyə sistemlərinə alternativ valyuta hesab olunur. Azərbaycanda da "bitcoin"ə olan maraq əvvəlki kimi deyil. Hətta bəzi istifadəçilər bu tətbiqi təhlükəli sayır. Bəzi ölkələr isə "Bitcoin" tətbiqinə qadağa qoyur. Kibertəhlükəsizlik sahəsində belə "Bitcoin" dələduzluq məqsədilə ilə istifadə olunur. Bəs riptovalyutaların ölkəmizdə ödəniş üsulu kimi istifadə edilməsi nələrlə nəticələnə bilər? Bu baxımdan "Bitkoin" qadağan oluna bilərmi?

Mövzu ilə bağlı bank məsələləri üzrə ekspert, hüquqşünas Əkrəm Həsənov Sonxeber.az-a açıqlama verib:

"Dövlət bitkoinə qadağan qoysa belə, şəxslər arasında bunu istifadə etmək istəyənlər olacaq. Bitkoin bildiyimiz kimi virtual yollardır. Bunu tətbiq edənlərin əsas məqsədi ondan ibarətdir ki, dövlət nəzarətindən yayınsınlar. O cümlədən bununla bağlı addımlar dövlətin inhisarının olmamasına yönəlib. Buraya əsasən vergidən yayınmaq kimi məqsədlər daxildir. Bu baxımdan dövlətlər buna qadağa qoyur. Amma kimlər ki, bu valyutalara etibar edirsə, dövlət buna nəzarət edə bilmir. Virtual məkanda olduğu üçün müəyyən problemlər yaşanır. Azərbaycanda kriptovalyutalar, "bitkoin"lər qanuni ödəniş vasitəsi deyil. Dövlət qadağa qoymasa belə, vətəndaş hardasa bununla rəsmi ödəniş edə bilməz. Kimsə öz arasında edir yaxud dəyişir. Bu baxımdan bitkoinlər Azərbaycanda rəsmi ödəniş vasitəsi kimi tanınmır və qəbul edilmir".

Telegramda izləyin