MİQ müsabiqəsində vakant yerlərin sayı GİZLƏDİLİR - AÇIQLAMA

Azərbaycanda hər il demək olar ki, müəllimlərin işə qəbulu müsabiqəsi yaxınlaşdıqca ciddi müzakirələr və narazılıq yaranır. Əlbəttə ki, MİQ müsabiqəsi dedikdə ağlımıza ilk olaraq test imtahanı mərhələsi gəlir və ən çox narazılıar bununla əlaqədar olur. Ekspertlər deyir ki, nrazılıqların əsas səbəbi MİQ imatahanın pedaqoji sahə üzrə təhsil alanların ali və orta ixtisas təhsil müəssisələrində aldıqları bilik və bacarıqlarına uyğun olmamasıdır. Bəs MİQ müsabiqəsi ilə bağlı problemlər daha çox imtahan. İlə bağlıdır? Müsabiqədə tam olaraq hansı dəyişikliklərə ehtiyac var?

Mövzu ilə bağlı Sonxeber.az-a danışan Sosial Tədqiqatlar Mərkəzinin əməkdaşı, təhsil eksperti Elmin Nuri bildirib ki, ümumiyyətlə hər il müəllimlərin işə qəbulu müsabiqəsinin test imtahanı mərhələsi yaxınlaşdıqca bununla bağlı müzakirələr onlayn resurslarda, sosial şəbəkələrdə, müəllim qruplarında bitmir. Hər il eyni mövzular və problemlər qabardılır:
"Təbii ki, burada qeyd oluna bilər ki, problem öz həllini tapsın və sonrakı illərdə təkrarlanmasın. Amma bu bir növ vərdiş halını alıb. Müəllimlərin işə qəbulu müsabiqəsi 4 mərhələyə bölünür: onlayn qeydiyyat, test imtahanı, müsahibə və vakansiya mərhələsidir. MİQ deyəndə ağla ilk gələn test imtahanı mərhələsi insanların beynində işıqlanır. Mən buna etiraz etmirəm. Test imtahanı mərhələsi MİQ-in əsas canını təşkil edir. Axı təkcə problem bu deyil. Bu gün biz MİQ müsabiqənin təşkilində, dəyişiklərin edilməsi ilə bağlı danışarkən təkcə test mərhələsinin üzərində dayanmamalıyıq. Çünki jurnalistlər və muəllimlərimizdə həmişə test imtahanı mərhələsi ilə bağlı suallar verir. Test imtahanı mərhələsi görün özünün hegemonluğunu necə qaldırıb ki, 4 hissəli müsabiqənin özü belə MİQ imtahanı kimi cəmiyyətdə tanıdılır. Test imtahanı mərhələsindən söhbət gedirsə, onlayn qeydiyyat mərhələsində o qədər də problemin yaşandığını deyə bilmərik. Bu bir prosedurdu. Tələb və şərtlərə cavab verən müəllim namizəd kimi qeydiyyatdan keçir, test imtahanı mərhələsinə buraxılır. Bununla bağlı onun şəxsi kabinetinə təsdiq cavabı göndərilir. Artıq qaydalar dəyişdi. Əvvəl test mərhələsində 60 sual idi və hər sual 1 bal ilə qiymətləndirilirdi. 40 sual ixtisas fənni ilə bağlı, 20 sual isə kurikulum-metodika ilə bağlı olurdu. Sonra isə 100 suallıq sistemə keçid etdilər. Artıq hər sual 1 bal ilə qiymətləndirilmirdi. 1 və 0.5 bal ilə qiymətləndirilən suallarda olurdu. Burada müəyyən qanunvericilik, kurikulum ilə bağlı suallarda öz əksini tapdı".

Ekspertin sözlərinə görə, 100 ballıq sistem sanki işi daha da çətinləşdirdi. Yəni əvvəllər 60 balı yığmaq asan idisə, sonradan 100 bal yığmaq çətinləşdi. MİQ müsabiqəsinin test imtahanı mərhələsi ilə bağlı problemlər vurğulananda, sualların qoyuluşu haqqında danışırdılar. Məsələn bir çox müəllimlər öz ixtisası ilə bağlı sualların həddindən artıq qəliz, hətta anlaşıqsız olduğunu bildirirdi:

" Məsələnin digər bir yanı var. Müəllimlər özlərinə sərf etdiyi tərəfdən yanaşır. Amma deyirlər ki, suallar uyğunsuzdursa, anlaşılmazlıq və yalnışlıq varsa, niyə sənlə eyni vaxtda imtahan verən "X" müəllimlər daha yüksək bal toplayır? Niyə sən özünə qaneedici balı yığa bilmirsən? Bu sualı vermək lazımdır. Sadəcə müəllimlər və namizədlər bəzən özünə sərf edən tərəfdən yanaşırlar. Amma məsələyə birtərəfli baxmayaq. Bu o demək deyil ki, suallarda həmişə dürüstlük yaxud müəllimlərdə yalnışlıq olub. Bu belə deyil. Bəzi fənlər var ki, orada müəyyən qədər texniki və məzmun xətaları olub. Bu öz yerindədir. Amma MİQ müsabiqəsində dəyişilməli olan və ciddi reformaların getməli olduğu mərhələlər müsahibə və vakansiya seçimidir. Müsahibə mərhələsindən narazı olan çox az müəllimlər var. Çünki orada kamera sistemi ilə sual-cavab prosesi yoxlanılır. Müsahibə mərhələsi izlənilir və müəllimin şikayətçi olduğu apelsiyaya müraciət etmək və orada kamera görüntülərini izlətdirmək hüququ vardır".

Elmin Nuri deyib ki, vakant seçimi mərhələsi MİQ-in ən problemli tərəfidir. Əvvəlki illərdə bununla bağlı müəyyən qanunsuzluqlar olub:

"Xüsusilə məktəb direktorları müsabiqəyə vakant yerlər təqdim edən zaman müəyyən bir qeyri-şəffaflığa yol vermişdilər. Vakant yerlər gizlədilmişdi. Bunu həm də elm və təhsil naziri Emin Əmrullayevdə çıxışlarında vurğulamışdı. Vakansiya yerlərinin gizlədilməsi ilə bağlı nazirlikdə məşğul olmuşdu. Gərək burada biz düzünü danışaq. Amma bu məsələ qaldın. Vakansiya yerlərində vakant yerlərin azlığı isə əsas şikayətlərdən biridir. Təsəvvür edin ki, Azərbaycan dili və ədəbiyyat müəllimliyi ilə bağlı bir çox müəllim test imtahanı mərhələsindən uğurla keçib. Müsahibə mərhələsindən belə müsbət cavab alıb. Amma vakant seçimi yerinə gələn kimi, ən yaxşı halda ehtiyatda olan müəllim yaxud müddətli müqavilə əsasında seçilir. Çünki xeyli müəlllim üçün cəmi bir neçə vakant yerləri açılır. İki il bundan əvvəl Balakən rayonu üzrə coğrafiya müəllimliyi üçün 1 yer var idi. Orada işləmək istəyən və yaşayan nə qədər müəllim var. Onlar cəmi bir yer üçün mübarizə aparmalıdır? Bu cür məsələlərə əsas dəyişiklik edilməlidir".

Sevda Səfərova

Telegramda izləyin