"Söyüş müxalifəti" qırmızı xətti KEÇDİ: Ölkəyə TƏHVİL VERİLSİNLƏR - AÇIQLAMA

Xəbər verdiyimiz kimi, Avropa paytaxtlarında qala bilmək, qondarma "mühacir ömrünü" uzatmaq üçün Azərbaycana qarşı bütün siyasi oyunlarda iştirakçı olan "söyüş müxalifəti" daxilində ifşa prosesi başlayıb. Qarşılıqlı ittihamlardan bəlli olur ki, guya təqib olunan və buna görə "mühacir" etmiş bu kəslər "demokratiya", "insan haqları" kimi məsələlərin arxasına sığınaraq, şantaj yolu ilə pul qazanır və bir çox hallarda hakimiyyət daxilində hansısa oliqarx məmurun sifarişlərini yerinə yetirirmiş.

Bəs qarayaxma kampaniyası aparan, əsassız ittihamlar səsləndirən "söyüş müxalifəti"nin ölkəyə ekstradisiyası mümkündür? Məsələ ilə bağlı Sonxeber.az-a danışan politoloq Tofiq Abbasov deyib ki, "söyüş müxalifəti"nin indiki bərbad vəziyyəti ondan irəli gəlir ki, bu adamlar özləri siyasi cəhətdən bəsitdirlər:

"Onların elə savad və bacarıqları yoxdur ki, cəmiyyətdə, xaricdə nüfuz sahibinə çevrilsinlər. Onlar heç vaxt nüfuz sahibi olmayacaqlar. Çünki birincisi çıxdıqları ölkəni qara boyalarla təsvir etməyə çalışırlar. Sonra dövlətçilik sistemi və cəmiyyətinə xələl vururlar. Faktiki olaraq bu adamlar siyasi baxımından cinayət törədirlər. Çünki Azərbaycan dövlətinin rəhbərliyinə dair əsassız iddialar irəli sürürlər. Eyni zamanda söyüş leksikasından istifadə edirlər. Dövlət rəhbərlərini, xalqı təhqir edirlər. Buna görə də onlar məsuliyyət daşımalıdırlar. Azərbaycan tərəfi bu məsələyə kifayət qədər ciddi yanaşır. Bu bizim borcumuzdur. Burada dövlətin institutları, cəmiyyətin təhlükəsizliyindən söhbət gedir. Bunlar hamısı bizim milli təhlükəsizliyimizin əsas göstəriciləridir. Bir halda ki bu adamlar xaricə qondarma bəhanələr ilə gedib, orada sığınacaq tapıblar. Onlar gərək etdikləri əməllərə görə məsuliyyət daşımalıdır".

Politoloqun sözlərinə görə, onlar özləri də başa düşürlər ki, bütün qırmızı xətləri keçiblər. Eyni zamanda özləri gizlənir və yerdəyişmələr edirlər:

"Ancaq bunun heç bir xeyri yoxdur. Əvvəla onlar "fəaliyyət"lərində tam iflasa uğrayıblar. Onlara diqqət yetirən və məhəl qoyan yoxdur. Varsa da, insanlar bu qondarma fəaliyyətinə gülürlər. Olduqları ölkələrdə heç vaxt nüfuz sahibi ola bilməyəcəklər. Çünki bu adamlar öz vətənlərini satırlar. Öz vətənlərinə ayaqlarını isidirlər. Elə başa düşürəm ki, xüsusi kanallarla, diplomatik əlaqələr və interpol xətti ilə bu adamlar axtarışa verilməlidir. Çünki həqiqətən onları fəaliyyəti dağıdıcı mahiyyətə malikdir. Azərbaycanın milli təhlükəsizliyinə "müxalifət" təhdid törədirlər. Belə məsələlərə göz yummaq olmaz. Əvvəl-axır bu qruplaşmalar ölkəyə gətiriləcək. Bu hansı məqamlarda və zaman çərçivəsində olması barədə məlumat vermək çətindir. Ancaq hər halda onların dağıdıcı yanaşmaları heç yerdə təqdir olunmayacaq. Çünki belə insanlar mahiyyət etibarilə çox cılız və satqın xislətə malikdirlər. Nəhayət bu insanlar heç bir sahədə özlərinə nüfuz qazana bilməyəcəklər. Onların fəaliyyət növləri saxtadır. Bu insanlar olduqları ölkənin maraqlarına uyğun və lazım olmayan təbliğatlar aparır. Çünki Azərbaycan diplomatiyası çeviklik nümayiş etdirir. İldən-ilə beynəlxalq mövqelərimiz güclənir. Azərbaycanda iqtisadi zəmində artım var. Bütün quruculuq prosesləri və multikultural dəyərlər üzrə çox böyük nailiyyətlər əldə etmişik. Bunlar xaricdə bizim üçün təqdir olunan nailiyyətlərdir. Bu adamlar fəaliyyətinə görə iflasa uğrayıb və məhkəmə qarşısında cavab verəcəklər".

Telegramda izləyin