Ermənistanda Baqrat şousu: Yeni müharibə BAŞLAYIR? - ŞƏRH

Ermənsistanda müxalifət-iqtidar qarşıdurması davam edir. Ermənistan baş naziri Nikol Paşinyana qarşı aksiyaların keçirilməsi davam edir və mitinqlərin əhatə dairəsi genişlənir. Arxiyepiskop Baqrat Qalstanyan isə əlbəttə ki, siyasi proseslərdə aktiv iştiraka maraqlıdır. Azərbaycanda siyasi şərhçilər, politoloqlar Ermənistanda gedən prosesləri yaxından izləyir. Belə bir fikir yaranmışdı ki, Paşinyana qarşı keçirilən etiraz aksiyaları qısa müddət davam edəcək. Lakin görünən odur ki, bu belə deyil. Erməni keşiş yaxın gələcəkdə Vanadzor (Böyük Qarakilsə) və Vardenisə (Basarkeçər) getməyi planlaşdırdıqlarını açıqlayıb.

Digər tərəfdən isə Ermənistan baş naziri Nikol Paşinyanın aksiyalar ilə əlaqədar Azərbaycan ilə bağlı atacağı addımlar sual altındadır. Belə olan təqdirdə Paşinyan Azərbaycanla danışıqlardan imtina edə bilər? O cümlədən yeni müharibənin başlanması gözləniləndir?

Mövzu ilə bağlı Sonxeber.az-a danışan hərbi ekspert Səxavət Məmməd deyib ki, Ümumiyyətlə Azərbaycanda Ermənistanda baş verən aksiyaları izləyirlər:

"Biz də nədənsə proqnoz verənlər elə düşünürdülər ki, bu aksiya ancaq Paşinyanın istədiyi kimi nəticələnir. Əgər bir aksiya qısa zamanda yekunlaşmırsa, oraya əhali gəlməyə davam edirsə, proseslərin içinə başqa dövlətlər qatılırsa aksiyalar uzunmağa davam edəcək. Beləliklə problemlərin içərisində yeni problemlər yaranır. Məsələ ondadır ki, aksiyaların ilk dönəmlərində, hətta bir neçə gün öncəyə qədər Azərbaycan-Ermənistan məsələsi ilə əlaqədar Paşinyanın geri addım atmağı ilə bağlı hansısa bir hallar yaşansaydı, aksiyada sonlanardı".

Ekspertin sözlərinə görə, aksiyanın gedişi zamanı Paşinyan ona qarşı çıxanlar ilə görüşməkdən çəkindi. Bu da aksiya iştirakçılarını ruhlandırdı və əhalidə Paşinyan ilə bağlı münasibətlərdə dəyişiklik oldu:

"Ermənistan mediasında bir neçə qəzet var ki, onlar Göyçə mahalında Tavuşdakı hadisələrin baş verəcəyindən yazmağa başladılar. Bu artıq vəziyyəti dəyişdirdi. Vəziyyət elə həddə gəlib çatıb ki, Paşinyan Tavuşdakı ərazilər və Qarabağ hücum planlarından danışsa belə, bunların heç biri mitinqlərin sayına təsir etməyəcək. O cümlədən bu məsələ Azərbaycan-Ermənistan arasında yarana biləcək yeni müharibədə deyil. Bu dəqiqə Ermənistanda iqtidar-müxalifət qarşıdurması yaranıb. Paşinyanın Azərbaycan ilə bağlı atacağı hər hansı bir addımın aksiyalara təsiri olmayacaq".

Telegramda izləyin