"Qurban, bayram namazından sonra KƏSİLMƏLİDİR, əvvəl kəsilən sədəqə sayılır, qurban yox" -İLAHİYYATÇI

Qurban islamda iki müqəddəs bayramdan biridir. Bütün müsəlman ölkələrində hər il hicri təqvimi ilə zil-hiccə ayının 10-cu günündə Qurban bayramı qeyd olunur. Qurbanı kimlər kəsə bilər və kimə paylanmalıdır.

Məsələ ilə bağlı ilahiyyatçı Yaşar Qurbanov Sonxeber.az-a açıqlama verib.

İlahiyatçı aləsinində gündəlik ehtiyacını ödədikdən sonra, əlavə gəliri qalan şəxsin qurban kəsə biləcəyini bildirib:

"Qurban bayramı iyun ayının 16-a təsadüf edir. Qurban barəsində Quranı-Kərimdə Həcc sürəsi 36- 37 ayələrində buyurur ki, sizin üçün qurbanlıq( dəvə, dana qoyunu) nişanə etdik. Bu əzamətli bir bayramdır. Ayədə qeyd olunub ki, qurbandan həm özünüz yeyin, həm də əl açan-açmayan kasıblara yedizdirin. 37 ayədə isə buyurulub ki, onların nə ətləri nə də qanları Allah-a(s.a.v) çatar. Lakin ona çatan sizin təqvanızdır. Təqva isə Allahın buyruğunu yerinə yetirmək deməkdir. Bir insanın imkanı varsa,qurban kəsirsə, Allaha yaxın bir qul olur. Qurbanı imkanı olan şəxs kəsməlidir. Aləsinində gündəlik ehtiyacını ödədikdən sonra, əlavə gəliri qalırsa həmin şəxs qurban kəsə bilər. Eyni zamanda bir insanın borc götürüb,qurban kəsməsinə ehtiyac yoxdur. İmkanın varsa kəs, yoxdursa kəsmə.

Qurbanı üç yerə bölmək müstəəbdir. Qurban kəsən şəxs qurbanın bir hissəsini özünə, bir hissəsini qonşulara, bir hissəsini isə kasıblara paylaya bilər. Yaxud qurbanı bütünlüklə kasıblara paylaya bilər. Yəni qurban ətinin paylanmasında insan sərbəstdir. İstədiyi qədər paylaya və saxlaya bilər".

Qurbanın bayram namazından sonra kəsilməli olduğunu bildirən ilahiyyatçı Azərbaycan xalqının və bütün islam dünyanısnın bayramını təbrik edib:

"Qurban bayraməıən əzəmətli günlərdən biridir. Allah (s.a.v) qatında ən uca günlərdən biri, Qurban bayramı günüdür. Bu ibadəti yerinə yetirmək böyük savabdır. İmkanı olan şəxslər bunu yerinə yetirsinlər. Amma burada diqqət etmək lazımdır. Bəzən insanlar qurbanı səhv kəsirlər. Qurban ayın 16-sı bayram namazından sonra kəsilməlidir. Bayram namazı isə saat 8 və 9 qılınır. Bəziləri isə qurbanı səhər tezdən kəsirlər. Bu doğru deyil. Peyğəmbərimiz (s.a.v) buyurub ki, qurban, bayram namazından sonra kəsilməlidir. Bayram namazından əvvəl kəsilən ümumi bir sədəqə sayılır, qurban sayılmır. Qurban kəsmək istəyən şəxslər bu məsələdə diqqətli olsunlar. Uca Allah (s.a.v) hər kəsin kəsdiyi qurbanı, etdiyi dualarımızı qəbul etsin. Uca Allah (s.a.v) bu bayramı xalqımız və bütün islam dünyası üçün xeyirli-bərəkli etsin. Amin!".

Gülcahan Məmmədova

Telegramda izləyin