Toylardan qazanan İŞBAZLAR: "Pul yazdırmaq" üçün elektron sistem YARADILIR? - AÇIQLAMA

Ölkəmizdə toy adət-ənənələri qədimdən günümüzə qədər gəlib çatıb. Bu adətlərdən biri də toya "pul yazdırmaqdır. Toya gələn qonaqlar tərəfindən pul verilir. Keçmişdən bu günə qədər davam edən "pul yazdırmaq" adəti zamanla dəyişib. Toya getməyək istəməyənlər ya yaxınları ilə, ya da toy sahibinin kartına pul göndərir. Müasir dövrdə artıq bir çox proseslər elektron qaydada həyata keçirilir. Azərbaycanda pul yazdırmaq adəti elektron sistemlə əvəzlənə bilər?

Mövzu ilə bağlı Sonxeber.az-a danışan sosioloq Üzeyir Şəfiyev deyib ki, toya "pul yazdırmaq" bir növ toy sahibinə dəstək vermək deməkdir. Bizim cəmiyyətimizdə bu adət-ənənə əvvəldən olub:

"Xeyir işlərində, çətin anlarda insanlar həmişə bir-birinə maddi və mənəvi baxımından dəstək veriblər. Bu bizim nəsillərimizdən gələn bir adətdir. Toy yə yas mərasimləri maddi axımından insanları çətinə duruma salan mərasimlərdir. Bu mırasimlərin xərclərini tək başına qarşılamaq insanlar üçün çətin olur. Ona görə də belə mərasimlərdə insanlar bi-birinə dəstək olublar. Bu mərasimlər əvvəllər daha əloverişli idi. Əvvəllər şadlıq sarayları yox idi. İnsanlar sadə bir şəkildə toy və yas mərasimləri təşkil edirdi".

Sosioloqun sözlərinə görə, toylarda yığılan pul evlənən cürtlüklərin mənzillərinə, həyat şəraitinin yaxşılaşdırılmasına, toy xərclərinin qarşılanmasına xidmət edirdi. Amma indi fərqli bir mənzərə yaranıb:

"Hazırda bir çox işbazlar və şadlıq sarayları qazanır. Toya getmədən pul göndərmək də bir dəstək formasıdır. Ola bilər ki, kiminsə işi var. Toyun yaratdığı səs-küy şəxsin ora getməsinə imkan verməyə bilər. Belə olan halda pul göndərilir və dəstəyini vermiş olur. Bu normal bir haldır. Müasir dövrdə hər şey ola blər. Toya "pul yazdırmaq" elektron qaydaya keçə bilər. Hətta toya getməyənlər rahat şəkildə toy sahibinin kartına pul göndərir. Artıq bu üsullarda mövcuddur. Rəqəmsal dünyada yaşayırıq və hər şey mümkündür".

Sevda Səfərova

Telegramda izləyin