Bakının 139 təcili yardım maşını və qeyri-rəsmi 5 MİLYON ƏHALİSİ - VİDEO

Son vaxtlar təcili tibbi yardımın işi ilə bağlı müxtəlif məzmunlu şikayətlər daxil olur. Səhhətindəki narahatlıqla bağlı təcili yardıma müraciət edən vətəndaşların əksəriyyəti onların ünvana gecikməsindən gileylənirlər.

Sonxeber.az xəbər verir ki, mövzu ilə bağlı "Apa TV"nin əməkdaşları maraqlı araşdırma edib. Vətəndaşlar sorğu əsasında bildirib ki, təcili tibbi yardım çağırılan zaman nəinki gecikmək, elə olub ki, heç gəlməyiblər:

" Nənəm buna görə rəhmətə getmişdi. Hardasa 2020-ci ilin yay ayları idi. Nənəm yıxılıb başını divara vurmuşdu. Biz təcili yardıma müraciət etdik. Onlar dedi ki, hardasa 10-15 dəq ərzində gələ biləcəklər. Amma demək olar ki, 50 dəqiqəyə yaxın gecikdilər".

Təcili yardım briqadaları çağırış olan ünvana gec gəlmə səbəbini yollardakı sıxlıq və müraciət edənlərin çoxluğu ilə əlaqələndirirlər. Amma problemin kökündə isə başqa səbəblər dayanır. Birincisi ərazilərə paylanan təcili yardım briqadalarının sayı həmin rayonların əhali sayına müvafiq deyil.

Ətraflı "Apa TV"nin süjetində:

Telegramda izləyin