Çinin şəlaləsi belə "kitayski" ÇIXDI - ZARAFAT KİMİ OLAY

Çinin ən yüksək şəlaləsi kimi tanınan Yuntai dağ şəlaləsindən gələn suyun qaya səthinə bərkidilmiş borudan gəldiyi məlum olub.

Sonxeber.az xarici mənbəyə istinadən xəbər verir ki, sosial mediada yayılan video ilk dəfə bazar ertəsi yayımlandıqdan sonra 70 mindən çox bəyənmə toplayıb. Yuntai turizm parkının rəhbərliyi ziyarətçilərin quraq mövsümdə buraya gəlməyə dəyər olduğunu hiss etdirmək üçün "kiçik təkmilləşdirmə" etdiklərini deyib.

Bunun üzərinə mövzu sosial şəbəklərdə bir çox istifadəçi tərəfindən müzakirə olunub. İstifadəçilər şəlalənin sadəcə olaraq bir neçə borudan ibarət olduğunu bildirirək tənqid ediblər.
Narazılıqlardan sonra yerli hökumət rəsmiləri yoxlama üçün parka göndərilib. Çinin dövlət yayımı CCTV-nin məlumatına görə, rəsmilərdən hadisədən dərs almaları və şəlalənin vəziyyətini turistlərə əvvəlcədən izah etmələri istənilib.

Park rəsmiləri CCTV-yə bildiriblər ki, şəlaləyə su vurmaq üçün istifadə etdikləri su bulaq suyudur və təbiətə heç bir zərər vurmayacaq. Görünürdü ki, bir çox sosial media istifadəçisi bu vəziyyəti başa düşüb. Qeyd edək ki, milyonlarla ziyarətçi bir milyard ildən çox formalaşmış geoloji strukturları görmək üçün hər il buraya səyahət edir.

Telegramda izləyin