Dünya nüvə müharibəsinin ASTANASINDA: Azərbaycana necə TƏSİR EDƏCƏK? - ŞƏRH

NATO Rusiyanın mümkün hücumuna qarşılıq quru dəhlizlərindən istifadəni planlaşdırır. Bununla bağlı mətbuatda məlumat yayılıb. Məlumata görə, cəbhə xəttinə çıxmaq üçün ABŞ ordusu əvvəlcə Niderland limanlarına daxil olmalı, oradan da Almaniya və Polşaya yollanmalıdır. Bu portlar sıradan çıxarılacağı halda o zaman NATO üzvlərinin bölmələri Yunanıstan və Türkiyə limanlarına daşınacaqlar. Buradan isə Rusiyaya qarşı döyüşmək üçün qoşunlar Bolqarıstan və Rumıniyaya yerləşdiriləcək.

İki tərəf arasında müharibənin başlanması Azərbaycana necə təsir edəcək?

Mövzu ilə bağlı Sonxeber.az-a danışan politoloq Kazım Kazımov deyib ki, Rusiya-NATO müharibəsinin başlanması üçüncü dünya müharibəsi və ya nüvə müharibəsidir desək yanılmarıq:

"Hər iki dəfə çox dağıdıcı silahlara malikdir. Əgər onlar istifadə edilərsə, insanlıq çox böyük zərərlər görər. Lakin buna başladı və çox ciddi nəticələr verəcək demək hələ tezdir. Biz bilirik ki, dünya 1945-1991-ci ilə qədər soyuq müharibə dövrünü yaşadı. Soyuq müharibə dövründə də hadisələr müharibəyə doğru yönəldi. Son anda liderlərin doğru addımları nəticəsində müharibə təhlükəsi sovuşdu. Vaşinqton və Moskva bu dövrdə iki əsas tərəfdaş idi".

Politoloqun sözlərinə görə, tarixə görə, hər iki ölkənin müharibə etmədən rəqabət etmə təcrübəsi var:

" Əgər Ukrayna müharibəsi başa çatarsa və Rusiyaya qarşı embarqo aradan qalxarsa, müharibə təhlükəsi azalar. Lakin ABŞ və Avropanın müharibəni dayandırmaq kimi niyyəti yoxdur. Rusiya ordusunun Ukraynada məhv edilməsi olanı üzrə çalışırlar. Rusiyada təbii ki, Ukraynada müharibənin davam etməsində maraqlıdır. Çünki Rusiya hələ Ukraynada öz məqsədlərinə tam olaraq çatmayıb. Daha çox ərazi işğal etmək niyyəti var. Belə olan təqdirdə krizin sona çatacağı görsənmir. Digər tərəfdən Şərqi Avropada müharibənin yayılması təhlükəsi var. Üfüqdə hələ ki, müharibə təhlükəsi görmürəm. Nüvə müharibəsi hər iki ölkə üçün böyük faciə ilə nəticələnə bilər. Ona görə də Azərbaycan bu məsələdə böyük narahatlıq hissi keçirməməlidir".

Sevda Səfərova

Telegramda izləyin