"Vətəndaş mərkəzdən torpaq sahəsi tapa bilmədiyi üçün bina evlərinə üz tutur"- Açıqlama

Bir evin məqsədyönlülüyü onun bizə qazandırdığı rahatlığına və funksionallığına söykənməlidir. Ölkəmizdə yaşayış statistikasının bina evlərində üstünlük təşkil edir. Eyni zamanla insanlar daha çox bina evi almağa üstünlük verir. Bunun səbəbi nədir?

Məsələ ilə bağlı əmlak məsələləri üzrə ekspert Elnur Fərzəliyev Sonxeber.az-a açıqlama verib.

Ekspert bildirib ki, satılan əmlaklarının daha çoxu çoxmənzilli yaşayış binalarındakı mənzillərdir:

"Satılan əmlaklara nəzər yetirsək, görərik ki, satılan əmlaklarının daha çoxu çoxmənzilli yaşayış binalarındakı mənzillərdir. Onların çıxarışı var. Son illər satılan mənzillərin çox hissəsi kreditli şərtlərlə satılır. Fərdi yaşayış evlərində isə qiymətlər müxtəlifdir. Bakı ətrafı ərazilərdə minimum 25 min manatdan başlayaraq, mərkəzə doğu 1-2 milyon manata qədər dəyişir. Bina evlərinə nisbətən , kənar ərazilərdə otaq sayı çox olan həyət evləri daha ucuzdur.

Evlərin isə əksəriyyətində sənəd olmadığına görə, vətəndaş bu evləri kreditli şərtlərlə ala bilmir. Çıxarışı olan torpaq sahələri də məhdud olduğuna görə, vətəndaş torpaq alıb ev tikməkdən yararlana bilmir. Təbii ki, hər kəs yaxşı ərazılərdən ev almağa çalışır. Tikinti ilə bağlı şərtlərdə asand deyil. Vətəndaşlar mərkəzə yaxın ərazilərdə və ya ətrafında bağça, məktəb, market və obyektlərin olduğu ərazilərdə torpaq sahəsi tapa bilmədiyi üçün bina evlərinə üz tuturlar. Həyət evini torpaq alıb tikmək daha sərfəlidir. Amma hazırda hər kəs metrostansiyalara yaxın ərazidə ev almağa üstünlük verir. Bu isə son illər Bakıda olan tıxaclarla bağlıdır. Kənar ərazilərdə metro, hətta avtobus xətləri olmadığına görə vətəndaş mərkəz ərazidən bina evi almağa məcbur olur"

Telegramda izləyin