Bəzən müştəri paltarları nə günə salır: Mağazada geyim yoxlamaq ÖDƏNİŞLİ OLUR? - Açıqlama

Türkiyədə gəlinliklərlə bağlı yeni qərar alınıb. Gəlinliklər həm gəlinlər, həm də sırf maraq üçün geyinilir ki, bununla da deformasiyaya uğrayır. Ankara Dərzi və Şirniyyatçılar Palatası gəlinliklərin yoxlanılmasının pullu olacağına qərar verib. Belə ki, gəlinliyi geyinmək üçün öncədən ödəniş etmək lazımdır. Əgər libas bəyənilsə və alınsa, o zaman onun pulu gəlinliyin dəyərindən çıxılacaq. Ölkəmizdəki mağazalarda da bəzən geyim yoxlanılarkən müəyyən kirlənmələr baş verir. Eyni zamanda bəzən alıcı mağaza məhsullarına kifayət qədər diqqətli yanaşmır. Bu da vitrindəki geyimlərin kirlənməsinə və dağılmasına səbəb olur. Bəs mağazada geyim yoxlamaq pullu ödənişli ola bilər?

Məsələ ilə bağlı iqtisadçı Xalid Kərimli Sonxeber.az-a açıqlama verib.

O bildirib ki, ölkə səviyyəsində bu addımın atılması qanunvercilikdə mümkün deyil:

"Azərbaycan bu məsələlərə baxan heç bir palata, birlik, qurum fəaliyyət göstərmir. Eyni zamanda əgər belə bir qurum mövcud olsa, onların verdiyi qərar icbari olmayacaq. Beş-altı geyim mağazası və ya şirkət toplaşıb belə bir qurum yaratsa da, onlarının qəbul etdikləri qərar icbarı olmayacaq. Ölkəmizdə belə bir sahə yoxdur və olmayacaq. Geyimləri yoxlamaq üçün pul almaq sadəcə mağaza rəhbərlərinin öz qərarları ola bilər. Ölkə səviyyəsində bu addımın atılması nə qanunvercilikdə mümkündür , nə də bu qərarları verə biləcək qurum fəaliyyət göstərir".

Gülcahan Məmmədova

Telegramda izləyin