Azərbaycanlı uşaq qaynar suda yandı

Rusiyanın Sankt-Peterburq şəhərində azərbaycanlı uşaq yanıq xəsarətləri alıb.

Lent.az yerli KİV-ə istinadla bildirir ki, hadisə Kirovski rayonundakı mənzillərdən birində baş verib. 13 yaşlı uşaq yanıq xəsarətləri ilə xəstəxanaya yerləşdirilib.

Məlumata görə, yeniyetmə termiki yanıq xəsarəti ilə bir gün əvvəl "Rauchfus" Uşaq Xəstəxanasına yerləşdirilib. Vəziyyəti ağır olan yeniyetmənin valideynləri azərbaycanlıdır. Onlar bir neçə il əvvəl Sankt-Peterburqda yaşayış icazəsi alıblar.

Valideynlərinin dediyinə görə, səhər saat səkkizdə oğlu ehtiyatsızlıqdan qaynar su ilə dolu çaydanı üzərinə aşırıb. Dərhal təcili yardım çağırılıb. İlkin məlumatlara görə, yeniyetmənin bədəninin təxminən 12 faizi yanıb. O, reanimasiyadadır.

Telegramda izləyin