Paşinyandan "Zəngəzur" HƏMLƏSİ: Qazaxın 3 kəndi və Kərki necə qaytarılacaq? - ŞƏRH

Bildiyimiz kimi, Ermənistan baş naziri Nikol Paşinyan açıqlamaları ilə yenidən diqqət çəkib. Delimitasiyanın növbəti mərhələsinin Zəngəzurdan başlamasıilə bağlı Paşinyan bir sıra bəyanatlar səsləndirib. Paşinyanın Zəngəzur açıqlaması ilə Qazaxın 3 kəndi və Kərkinin qaytarılması məsələsi yenidən gündəmə gəlir.

Delimitasiya prosesi Zəngəzurdan başlayarasa, Qazaxın 3 kəndi və Kərki necə qaytarılacaq? Mövzunu Sonxeber.az-a şərh edən politoloq Turab Rzayev deyib ki, bununla Paşinyan sülh prosesinə yaxın olduğunu demək istəyir:

"Çünki, Zəngəzur ilə bağlı erməni ictimaiyyətində böyük narahatlıq var. Xüsusilə Zəngəzur əhalisi düşünür ki, Azərbaycan bu ərazilər ilə bağlı iddialar irəli sürə bilər. Zəngəzur dəhlizi çəkilərsə, Azərbaycan bu torpaqlar üzərində müəyyən hüquqlar əldə edə bilər. Paşinyanın açıqlaması həm də onlara yönəlib. Düşünürəm ki, bununla erməni ictimaiyyətini sakitləşdirməyə çalışır. Demək istəyir ki, delimitasiya və demarkasiya prosesi bütün ərazilər boyu aparılacaq. Növbəti mərhələdə isə bu Zəngəzur da ola bilər. Beləliklə orada yaşayan erməni əhalisi narahat olmaya bilər".

Politoloqun sözlərinə görə, indiyədək keçirilən seçkilərdə Paşinyanın məğlub olduğu əsas bölgə Zəngəzur idi:

"Zəngəzur dəhlizi məsələsinə görə ermənilər Paşinyanın rəqibi Köçəryana səs verdilər. Paşinyanın açıqlamalarında Azərbaycana qaytardığı 4 kənddən danışırdı. Amma Paşinyan Qazaxın 3 kəndi və Kərki məsələsinə toxunmur. Məsələnin üzərindən keçir. Paşinyan 3 anklav kəndi diqqətdən kənarda saxlayır. Paşinyanın bu kəndləri qaytarmağı düşünmür. Hansısa şəkildə Ermənistanın tərkibində saxlamağa çalışır. Ola bilsin ki, Gədəbəydəki Başkənd anklavı ilə bu əraziləri dəyişdirmək istəyir. Ona görə də bu məsələyə toxunmur. Azərbaycan tərəfi qalib ölkə kimi 3 kəndin və Kərkinin qaytarılmasını masa üzərində saxlayacaq".

Sevda Səfərova

Telegramda izləyin

instagramda izləyin